Agla Ósk Ólafsdóttir úr Judofélagi Suðurlands er á leið til Lundar í Svíþjóð þar sem hún mun keppa í Judo á BUDO NORD CUP fimmtudaginn 29. maí. Þetta er fyrsta erlenda mót Öglu og verður spennandi að sjá hvernig henni gengur.
Agla mun keppa í flokki undir 18 ára, hún hefur á stuttum ferli náð ótrúlegum framförum í íþróttinni og er til alls líkleg.
Með Öglu fer Sara N. Ingólfsdóttir sem farastjóri og þjálfari en Sara á stóran þátt í undirbúningi og þjálfun Öglu.
