Karen Elva Jónsdóttir er matgæðingur vikunnar.
Það er mikill heiður að fá að vera matgæðingur vikunnar. Ég hef gaman af því að dunda mér í eldhúsinu og ætla ég að bjóða Sunnlendingum upp á uppskrift að einföldum og góðum kjúklingarétt.
Kjúklingaréttur fyrir 5-6 manns
3-4 kjúklingabringur
Ein stór sæt kartafla
Ein krukka af fetaosti
Einn rauðlaukur (má sleppa)
Ein krukka af grænu pestó
Döðlur að vild
Aðferð
Hitið ofninn í 180•
Skerið kjúklinginn og sætu kartöfluna niður í litla bita og setjið í eldfast mót ásamt dass af olíu. Hrærið öllu saman með olíunni. Skerið niður rauðlaukinn og setjið í formið. Setjið fetaost yfir allt saman og smá af olíunni úr pestókrukkunni með. Best er að vera með saxaðar döðlur og blanda öllu vel saman.
Þessu er hent inn í ofn í 45-55 mínútur.
Fullkomin máltíð fyrir fjölskylduna og til að taka með í hádegismat daginn eftir.
Ég ætla að fá að skora á gamla góða vinkonu, hana Hönnu Björgu Hjartardóttur, sem næsta matgæðing. Ég veit að hún lumar á einhverri frábærri uppskrift.
