Maðurinn sem lést í vinnuslysi í Vík í Mýrdal síðastliðinn föstudag hét Pálmi Kristjánsson.
Hann var fæddur 1983, búsettur í Vík og lætur eftir sig sambýliskonu og tvö börn.
Tilkynning barst um slysið klukkan 13:45 á föstudaginn og voru viðbragðsaðilar, lögregla, sjúkraflutningamenn og læknir fljótir á staðinn. Endurlífgunartilraunir voru gerðar á vettvangi en báru ekki árangur.
Samfélagið er í djúpri sorg og var boðað til kyrrðar- og bænastundar í Víkurkirkju í Mýrdalshreppi kvöldið eftir slysið.
Efnt hefur verið til söfnunar fyrir fjölskyldu Pálma til að létta undir með henni á erfiðum tímum.
„Kæru Mýrdælingar, ættingjar og vinir. Okkar ástkæri Pálmi féll frá langt fyrir aldur fram í
hörmulegu slysi. Eftir stendur sambýliskona hans hún Elīna í mjög erfiðum aðstæðum. Því höfum við stofnað söfnunarreikning fyrir hana til að létta undir með henni í framtíðinni,“ segir í færslu sem er í dreifingu á Facebook.
Reikningurinn er á nafni vinkonu hennar Elīnu. Margt smátt gerir eitt stórt.
Reikningsnúmer: 0370-22-105092
Kennitala: 260586-4679
