Fjórir voru fluttir á sjúkrahús af vettvangi umferðarslyss sem varð við afleggjarann að Skógum undir Austur-Eyjafjöllum í morgun. Um var að ræða olíuflutningabíl og fólksbíl. Allir fjórir voru farþegar í fólksbíl sem lenti í árekstri við olíufugningabíl. Á fb-síðu lögreglunnar á Suðurlandi kemur fram að ökumaður olíuflugningabílsins sé ómeiddur og að ekki sé hætta á olíuleka frá bílnum. Lögreglumenn eru að ljúka rannsóknarvinnu á vettvangi en búast má við umferðartöfum áfram vegna vinnu við að fjarlægja ökutækin. Óvíst er hversu langan tíma sú vinna tekur.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.