2455

6 Miðvikudagur 27. júní 2018 DAGSKRÁIN - Fréttablað Suðurlands Kjarr, 816 Ölfus Símar 482 1718 & 846 9776 www.kjarr.is // kjarr@islandia.is úrvali Tré og runnar í Innilegar þakkir til ykkar allra sem glödduð okkur með heimsóknum, fallegum gjöfum og á ýmsan annan hátt í tilefni afmæla okkar 15. júní sl. Sérstakar þakkir fá Hörpukórinn fyrir fallegan söng og þá ekki síst Jón Bjarnason fyrir sitt framlag. Guð blessi ykkur öll. Ninna og Siggi, Garðafelli, Eyrarbakka. Hann Helgi Dan. frá Efra-Seli verður 80 ára 4. júlí. Hann mun haldauppá tímamótinmeð tvennum hætti. Laugardaginn 30. júní mun hann skunda inn í Kerlingarfjöll og ganga á Ásgarðsfjall. Þeir sem vilja slást í hóp með honum inn á fjöll vinsamlegast láti vita í síma 846 9321. Helgi verður kominn í Kerlingafjöll kl. 15:00 og gangan hefst kl. 15:30. Eftir gönguna býður afmælisbarnið upp á kaffiveitingar. Þeir sem vilja taka þátt í fjallgöngunni þurfa að koma á eigin vegum. Miðvikudaginn 4. júlí, á sjálfan afmælisdaginn, verður opið hús í golfskálanum á Efra-Seli þar sem Helgi tekur á móti gestum og býður til veislu. Helgi afþakkar hvers kyns gjafir, en óskar eftir því við gjafmilda gesti að þeir beini kröftum sínum í átt til Björgunarfélagsins Eyvindar og styrki þannig starf félagsins. Veislan í skálanum mun hefjast kl. 15:00 og standa til kl. 19:00. Það mun gleðja hann mikið að sjá sem flesta. Allir velkomnir. † Innilegar þakkir til allra sem sýndu okkur samúð og hlýhug við andlát og útför Sigurðar Björgvins Björgvinssonar, Eyravegi 5, Selfossi. Friðsemd Eiríksdóttir og fjölskylda. Eyravegi 23, Selfossi // 555-1314 Það er gott að eiga teppi til að vefja utan um börnin, ekki hvað síst þegar þau eru ung. Margir vilja nota bómull í slík teppi og það er skiljanlegt þar sem bómullin er þægileg í þvotti og þvælist vel en það er ókostur hvað þau vilja oft verða þung. Í Hannyrðabúðinni er til bómullargarn sem heitir Catania fine, þunnt garn með fallegum spuna, það prjónast á fína prjóna, sem þýðir að umferðirnar verða margar, en áferðin verður létt og leikandi. Þar sem teppið er prjónað úr hreinni bómull má einnig nota það semhandklæði og það getur komið sér vel. Þetta teppi er ferningslaga og mælist 90x90 sm en auðveldlega má stækka það eða minnka með því að fækka eða fjölga lykkjum og mynsturbekkjum. Efni: 5 dk Catania fine, 60 sm prjónn nr. 2,5 Uppskrift: Fitjið laust upp 184 l og prjónið garðaprjón, alls 5 garða. Skiptið þá yfir í mynsturprjón sem byggir á 8 umferðum sem eru endurteknar þar til teppið hefur náð þeirri stærð sem óskað er eftir. Athugið að fyrstu 6 l umferðar og síðustu 6 l hverrar umferðar eru alltaf prjónaðar sléttar, þannig myndast garðaprjóns­ kantur. 1. umf. Prjónið 6 l sl, *4 l br, 4 l sl* , endurtakið * * þar til 6 l eru eftir, þær prjónast sl. 2. umf. Prjónið 6 l sl, *4 l sl, 4 l br* , endurtakið * * þar til 6 l eru eftir, þær prjónast sl. 3. umf. Eins og umferð 1. 4. umf. Eins og umferð 2. 5. umf. Prjónið 6 l sl, *4 l sl, 4 l br* , endurtakið * * þar til 6 l eru eftir, þær prjónast sl. 6. umf. Prjónið 6 l sl, *4 l br, 4 l sl* , endurtakið * * þar til 6 l eru eftir, þær prjónast sl. 7. umf. Eins og umferð 5. 8. umf. Eins og umferð 6. Mynstrið er endurtekið þar til teppið mælist 87 sm, þá eru prjónaðir 5 garðar og loks fellt laust af. Gangið frá endum, þvoið úr mildu sápuvatni og njótið. Uppskrift: Þóra Þórarinsdóttir Ungbarnateppi úr bómull Okkar kæra móðir, tengdamóðir, amma og langamma áslaug árnadóttir, frá Smárahlíð, Hrunamannahreppi, lést mánudaginn 28. maí sl. Útförin hefur farið fram í kyrrþey. Fyrir hönd aðstandenda Guðrún Agnarsdóttir. „A love song so divine“ Guðni Már Henningsson sýnir á Bókasafninu í Hveragerði L augardaginn 30. júní opnar sýning á málverkum eftir Guðna Má Henningsson á Bókasafninu í Hveragerði, en þar var einmitt hans fyrsta sýning árið 2014. Sýningaropnun stendur kl. 13–15. Boðið verður upp á hressingu. Guðni Már er ómenntaður í myndlist fyrir utan að hafa sótt einkatíma hjá Steinunni Helgu Sigurðardóttur árið 1990. Hann hefur verið að mála síðan þá. Guðni Már starfaði sem dagskrárgerðarmaður á RÚV frá 1994 þar til sl. vor og er líklega þekktastur af Næturvaktinni á Rás 2 á laugardögum. Hann er fæddur í Bústaðahverfinu í Reykjavík en á ættir að rekja til Dalvíkur. Guðni Már hefur sent frá sér eina ljóðabók, Ljóð handa (1992) og bók í samstarfi við 5 ára dóttur sína Steinu Elenu. Bókin sú nefnist Það er rafmagnslaust hjá selunum (2016). Hann vinnur nú að matreiðslu ljóðabók. Hann var í hljómsveitinni TASS sem sendi frá sér geisladiskinn Almúgamenn (2012). Einnig sendi Guðni frá sér geisladiskinn Manstu þá vinda árið 2017. Guðni Már býr nú á Kanaríeyjum. Guðni leitar í tónlistina í verkum sínum og bera þau nöfn erlendra laga sem hann hefur mætur á. Nafn sýningarinnar er sótt í lag Rolling Stones Guðni Már. It´s only rock and roll (but I like it). Sýningin, sem er sölusýning, er opin um leið og safnið, virka daga kl. 13:00–18:30 og laugardaga kl. 11–14. Allir eru velkomnir á sýningaropnunina.