2455

14 Miðvikudagur 27. júní 2018 DAGSKRÁIN - Fréttablað Suðurlands F yrir skömmu var tekinn í notkun færanlegur hemla­ prófari sem lögregluliðin á Norðurlandi eystra, Suðurlandi og Vesturlandi, ásamt dóms­ málaráðuneytinu keyptu, en þessi lögreglulið fara með um­ ferðareftirlit er áður tilheyrði Samgöngustofu. Notkun á slík­ um hemlaprófara er til að auka umferðaröryggi og gerir lögregl­ unni kleift að sinna eftilitinu af meiri fagmennsku. Reglulegri skoðun ökutækja er ætlað að stuðla að auknu umferðaröryggi með því að tryggja að ökutæki sé í lög­ mætu ástandi til þess að hætta af notkun þess verði sem minnst. Eftirlit skal meðal annars fela í sér sjónskoðun á ástandi öku­ tækis í kyrrstöðu, könnun á ný­ legu vegaskoðunarvottorði eða skoðunarvottorði frá síðustu skoðun ökutækisins á skoðunar­ stöð og skoðun hvort um vanbú­ ið ökutæki sé að ræða. Í síðast­ nefnda atriðinu felst m.a. skoðun á hemlabúnaði. Miðað við núgildandi reglur fer reglubundin skoðun öku­ tækja að jafnaði fram einu sinni á ári og gilda sömu reglur um tíðni skoðana hvort sem um er að ræða stærri ökutæki sem notuð eru í atvinnurekstri eða fólksbifreiðar í einkaeigu. Mikill munur getur verið á ökutækjum sem eru ekin 15.000 km á ári eða 100.000 km. Hemlabúnaður er einn mikilvægasti öryggis­ þáttur hvers ökutækis og um leið viðhaldsþáttur sem ekki má vanrækja. Í vegaskoðunum hef­ ur til þessa ekki verið mögulegt að skoða eða prófa hemlabún­ að öðruvísi en með sjónskoðun en takmarkað er hversu mikið slík skoðun leiðir í ljós. Um­ ferðareftirlit lögreglu hefur ekki búið yfir þeim tækjabúnaði sem nauðsynlegur verður að teljast til að geta sinnt slíku eftirliti með fullnægjandi hætti. Við rýni á skýrslum Rannsóknarnefndar samgönguslysa hefur komið í ljós að oft á tíðum er hemlabún­ aði áfátt sem og dekkjabúnaði og er oft orsakavaldur eða sam­ verkandi þáttur þegar slys verða. Mikilvægt er að koma í veg fyrir að ökutæki með vanbúna hemla séu á ferðinni. Með þessum nýja og öfluga hemlaprófara er lögregla mun betur í stakk búin til þess að kanna hemlabúnað bifreiða og víst er að hann styður baráttu fyrir bættu umferðaröryggi sem er öllum mikilvægt. Hemlaprófari – nýtt tæki lögreglu í baráttu fyrir betra umferðaröryggi F erða- og menningarnefnd Hrunamannahrepps stendur fyrir sjö gönguferðum í sumar. Þetta er sautjánda sumarið sem boðið er upp á þessar ferðir. Allar ferðirnar verða á miðviku­ dagskvöldum nema ferðirnar 30. júní og 25. ágúst sem eru dagsgöngur. Tvær ferðir hafa þegar verið farnar. Sú fyrri var 13. júní, Foss – Gildurhagi. Sú síðari var 20. júní þar sem birgi Fjalla- Eyvindar var skoðað. 3. ferð 27. júní Hörgsholt – Sólheimar Lagt af stað frá Sólheimum. Gengið að eyðibýlinu Hörgs­ holti og þaðan meðfram Stóru- Laxá niður að Sólheimum. Skemmtileg og falleg leið þar sem Stóra-Laxá rennur í falleg­ um gljúfrum. Ganga sem tekur u.þ.b. 3 klst. 4. ferð 30. júní. Foss – Ingjaldshnjúkur – Hildarsel – Fagridalur - Foss, dagsganga Frá bænum Fossi er gengið upp á Tjarnheiði og svo haldið í suð­ urátt fram á Ingjaldshnjúk þar sem er víðáttumikið útsýni. Það­ an er haldið niður að eyðibýlinu Hildarseli, skoðað Kistufoss í Litlu-Laxá. Gengið síðan Fagra­ dal til baka að Fossi. Ganga sem tekur u.þ.b. 6 klst. 5. ferð 4. júlí Brúarhlöð – Haukholt Farið er um Brúarhlöð – Hauk­ holt um Kóngsveginn. Mjög falleg leið niður með Hvítá þar sem skiptist á beljandi áin í þröngu gljúfrinu og síðan ganga um fallegan birkiskóg. Áætlað­ ur göngutími er 2–3 klst. 6. ferð 11. júlí Núpstúnskista Gengið inn með fjallinu og fikrað sig upp á Núpstúnskistu og gengið fram á Nípuna. Falleg leið og nokkuð auðveld ganga sem tekur u.þ.b. 2 klst. 7. ferð 25. ágúst Stóra-Laxárgljúfur, dagsganga Dagsganga, u.þ.b. 16 km. Ekið er inn á afrétt Hrunamanna og gengið niður með hinu stórkost­ lega gljúfri Stóru-Laxár en það er rómað fyrir náttúrufegurð. Endað er við bæinn Kaldbak. Ógleymanleg ganga og er hugs­ uð sem náttúruskoðun. Gangan er í samstarfi við Upplit menn­ ingarklasa uppsveita Árnes­ sýslu. Panta þarf þessa ferð í síma 692 3882/699 5178. Frítt er í allar göngurnar en innheimt verður fyrir leiðsögn/ akstur í Stóru-Laxár gönguna. Leiðsögumenn í ferðunum í samvinnu við heimafólk eru þau Helgi Már Gunnarsson og Kol­ brún Haraldsdóttir, Flúðum. Gönguferðir í Hrunamanna- hreppi sumarið 2018 B láskógaskóla í Reykholti var slitið fimmtudaginn 31. maí sl. Athöfnin var hátíðleg og falleg og skólanum og nemend­ um til sóma. Miðstigskórinn, undir stjórn Kalla Hallgríms, hóf leikinn fallega með tveim­ ur lögum, 4. bekkingar fluttu kennurunum sínum kveðjusöng við frumsaminn texta og fóru líka með ljóð. Skólastjóri fór með litla tölu eins og hæfa þykir. Starfsmannahald er stöðugt, starfsmenn öflugir, samhent­ ir og fagmenn í fingurgóma fram. Nemendum fer fjölgandi, starfs- og vinnuandi prýðilegur og í sókn og nemendur aldeilis glæsilegir fulltrúar tegundarinn­ ar hins hugsandi manns. Að ávörpum og afhendingu Skóla á grænni grein slitið vitnisburðar lokinni fluttu 10. bekkingar kennurum og starfs­ fólki kveðju sína í ljómandi vel saminni og bráðhnyttinni ræðu, sem þau skiptu með sér að flytja, ásamt hefðbundinni afhendingu blóma, sem komu auðvitað úr héraði. Við þetta skemmtilega tæki­ færi fékk umhverfisnefnd skól­ ans afhentan Grænfánann, til marks um alþjóðlega umhverfis­ vottun. Flaggstöngin kemur úr héraði, greni úr Haukadals­ skógi, sem hagleiksmaðurinn Einar Óskarsson skógarmað­ ur sneið til fyrir skólann. Sá járnhagi Svavar Sveinsson frá Drumboddsstöðum smíðaði stangarfótinn og í sameiningu komu þeir þessu gripum fyr­ ir við skólann. Þeim félögum eru kærar þakkir veittar og víst er um það að sólin mun lengi skína á þeirra verk. Af þessu tilefni var gerður umhverfissátt­ máli skólans. Nemendur komu með hugmyndir að efni í brag, sem skólastjórinn hnoðaði svo saman í ljóðform, við grípandi lag sem varð til í Norður-Afríku. Braginn sungu samkomugestir svo saman áður en skólanum var slitið og leist fólki vel á og töldu jafnvel henta bráðóilla til söngsins. Fánann drógu fulltrú­ ar yngstu nemendanna að húni með dyggum stuðningi Ragn­ heiðar Jónasdóttur, sem hefur stýrt umhverfisstarfi skólans af sinni alkunnu röggsömu ástríðu. Við þetta má bæta að fyrrnefndur Einar kvistaði upp í trjálundi rétt við skólann, svo núna er skólinn kominn með vísi að útikennslustofu. Fleiri skref verða tekin þar á haust­ dögum svo nú getum við státað af enn einum litnum í flóru fjöl­ breyttra kennsluhátta og erum hvergi nærri hætt. Nú er mál að linni og bara eftir að birta um­ hverfissáttmálann: Lítið blað á laufgri grein vill lita bústna skógarkinn. Áin líður lygn og hrein og laumar koss’ á bakkann sinn. Stöndum öll vörð ein veraldarhjörð, um viðkvæma, kæra jörð Umhverfið er okkar mál og ungum höndum það ég fel. Legg’ ég í það líf og sál þá líður öllum þjóðum vel. viðlag Ég heiti því að halda sátt við hnöttinn bláa og hans vild efla trú á okkar mátt og efna loforðin mín gild. :: viðlag:: Hreinn Þorkelsson skólastjóri Miðstigskórinn. Grænfáninn afhentur.