Sunnlenski matgæðingurinn

Guðrún Ásta Gunnarsdóttir er sunnlenski matgæðingurinn þessa vikuna.

Þakka hlý orð í minn garð Ægir  minn. Það er gaman að gefa þeim að borða sem kunna að njóta. Ég ætla  ekkert að erfa þetta við þig og er því að hugsa um að bjóða þér í mat um helgina.
Matargerð og að  njóta góðs matar er mér ástríða og ég kýs frekar að lesa góða upp-skriftabók en spennandi krimma undir svefninn, mér er því ljúft að deila með ykkur  uppskrift af einhverju góðgæti eins og til dæmis þessum ljúffengu kjötbollum. 

Ítalskar kjötbollur.
500 gr. hakk (má vera hvaða hakk sem er)
1 egg
1- 2 hvítlauksrif
150 gr. kotasæla
3 msk. steinselja
1 - 1 og ½ tsk oregano eða timian
ca 1 og ½ tsk. salt
Dash af pipar
Má setja smá grænmetiskraft sem er leystur upp í örlitlu af heitu vatni, ca 3 msk. hveiti (ég nota spelt), mjólk til að þynna (enn betra að nota rjóma) Gott að mylja nokkrar tvíbökur eða Ritz kexkökur eða rasp saman við.
Öllu hrært saman og hafa bollurnar frekar litlar og steikja í olíu. Það sem gerir þessar bollur svo mjúkar og góðar er kotasælan.

Hér kemur svo uppskrift af góðri tómatpastasósu sem  passar vel með en einnig er gott að bera fram sveppasósu eða brúna sósu og kartöflumús með þessum bollum.

Tómatpastasósa:
1 dós niðursoðnir saxaðir tómatar
1 laukur
2 hvítlauksrif
Grænmetiskraftur eftir smekk
Oregano
Basilika
Salt og pipar
Hrásykur (má vera venjulegur)
Léttsteikja lauk og hvítlauk, hella tómötunum saman við og látið malla í lágmark 20 mín. Allt hitt sett útí, magn af kryddi eftir smekk. Látið sjóða í nokkrar mínútur. Borið fram með spaghetti, parmesanosti og góðu salati.

Í eftirrétt væri tilvalið að hafa eplaböku
Eplabaka
½ bolli malaðar möndlur
1 bolli spelt (má vera hveiti)
½ bolli heilhveiti
¾ bolli púðursykur
2 tsk. vínsteinslyftiduft
150 smjör eða smjörvi
2 eggjarauður.
Þurrefnum og möndlum blandað saman og hnoða síðan smjöri og eggjarauðum samanvið. Deiginu er þrýst í vel smurt mót. Rífa 2 epli og breiða yfir deigið, strá síðan kanilsykri yfir eplin. Næst er að þeyta vel saman 2 eggjahvítum og 6 msk. af púðursykri og smyrja því yfir eplin. Þetta er bakað við 170° í ca 20 mín. Borið fram með þeyttum rjóma.

Verði ykkur að góðu.
--------------------------------------------------------------------------------

Ég ætla að skora á ástríðukokkinn hana systur mína Sigríði Gunnarsdóttur. Hún er snillingur í að galdra fram ljúffengan mat og gómsætar kökur.

Ægir Sigurðsson er sunnlenski matgæðingurinn þessa vikuna.

Ég byrja auðvitað á að þakka húsfreyjunni á Fljótshólum fyrir traustið.
Ég á það til að hræra einhverju saman í eldhúsinu og ætla að deila með ykkur uppskrift af gúllasrétti.  Svipaðan rétt fékk ég einhvern tíma hjá pabba, spurði hvað var í honum og gerði mína útgáfu.

Ég er mikið fyrir nautakjöt en hef undanfarin ár mikið notað folaldakjöt. Þá er best kjötið af vel ættuðu folaldi úr Flóanum, blup helst 115+. En ódýrari steikur duga líka.

Folaldagúllas:
Gúllas  5-600 g
Nýrnabaunir  1 dós
Tómatpaste  170 g (1 dós frá Hunts)
Rauðlaukur
Paprika
Tómatar  2-3 stk.
Hvítlaukur  3-4 rif
Jalapenos, nokkur stykki  úr krukku eftir smekk
Chili krydd líka eftir smekk
Ananas 1 lítil dós (safinn með)
Vatn
Salt og pipar
Rjómaostur 2-4 msk.
Kjötkraftur (Gott að nota smá nautakraft)
Annað krydd, t.d. oregano eða basilika. Ég nota oft fersk krydd.

Aðferð:
Steikið kjötið í potti og setjið síðan á disk.
Steikið laukinn, bætið papriku og síðan niðurskornum tómötum út í. Nú er gott að setja kjötið aftur í pottinn.  Næst læt ég í þetta tómatpaste og smá vatn. Pressa síðan hvítlaukinn og set í pottinn ásamt jalapenos, chili, ananas, nýrnabaunum, kryddi og kjötkrafti.  Síðan má bæta við vatni ef vantar, ég vil hafa þetta frekar þykkt.  Þetta læt ég malla í ca. hálftíma og smakka það oft til á meðan.  Undir lokin set ég rjómaostinn út í og hræri saman við.
Þetta er gott að bera fram með góðu salati, fetaosti, hrísgrjónum og sojasósu.

---------------------------------------------------------------------------------------------------------

Ég ætla að skora á tengdamömmu mína, Guðrúnu Ástu Gunnarsdóttur.  Ég hef lengi haft mikla matarást á henni og hugsa oft til hennar þegar ég reyni að elda.

Ég vona að hún fyrirgefi mér og bjóði mér í mat fljótlega.

Mareike Schacht á Fljótshólum er sunnlenski matgæðingurinn þessa vikuna.

Ég þakka þér fyrir hrósið og áskorunina, Iðunn mín. Sem gulrótabóndi ákvað ég að deila með ykkur tveimur gulrótauppskriftum, sem  mér finnst ofsalega góðar. Best er að nota gulrætur frá Fljótshólum, en að sjálfsögðu er líka hægt að nota aðrar. ☺

Gulrótasúpa
(uppskrift er fyrir 4)
2 msk. ólífuolía
4 hvítlauksrif, marin
1 laukur, saxaður
1 msk. fersk engiferrót, rifin
2 msk. hveiti
12 dl kjúklingasoð (2-3 teningar)
400 g gulrætur, rifnar
1 tsk. karrí
1 tsk. cuminduft
½ tsk. svartur pipar, gróf-mulinn
1 dl döðlur saxaðar
1 msk. sítrónusafi
Byrja á því að steikja hvítlaukinn, laukinn og engi-ferið í olífuólíunni. Hræra hveitið út í og bæta kjúklinga-soðinu við. Setja gulræturnar, karri, cuminduft, svartan  pipar, döðlurnar og sítrónusafa út í og látið malla í svolítinn tíma. Mauka í lokin allt saman með töfrasprota og smakka súpuna til. Mjög gott er að borða súpuna með „dash“ af ab-mjólk út í.

Gulrótakaka
Þessi uppskrift er eftir mömmu minni í Þýskalandi og er í mínum huga besta gulrótakaka í heimi.
300 g gulrætur, rifnar
5 eggjarauður
4 msk. heitt vatn
1 msk. vanillusykur

200 grömm af sykri
5 eggjahvítur
smá salt
250 g heslihnetur, malaðar
8 msk. brauðrasp
1  tsk. lyftiduft
½ tsk. kanill
Þeyta saman eggjarauðurnar og vatn þangað til það verður loftkennt. Hræra þá 2/3 af sykrinum og vanillusykrinum út í. Stífþeyta eggjahvíturnar og hræra afganginn af sykrinu út í. Setja síðan stífþeytu eggja-hvíturnar varlega saman við eggjarauðurnar, bæta gulrót-unum, hnetunum, brauðraspinu, lyftiduftinu, kanil og salti út í og blanda allt varlega saman. Setja deigið í mót (24 cm) og baka við 160 gráður í 60 mínútur. Þegar kakan er búin að kólna er gott að hræra saman 200 g flórsykur, 1 msk. kakó og 6 msk. heitt vatn og setja kremið ofan á kökuna.

------------------------------------------------------------------------------------------------------------

Ég ætla næst að skora á góðan vin minn á Selfossi hann Ægi Sigurðsson. Það er alltaf gott að koma í mat til hans og ég er viss um að hann ætlar að deila einhverri góðri uppskrift með okkur.

Iðunn Ýr Ásgeirsdóttir er sunnlenski matgæðingurinn þessa vikuna.

Ég þakka hólið, Heimir minn, það gleður mig óendanlega mikið að ég hafi oft glatt á þér belginn. Því ég veit að hann gerir miklar kröfur hvað mat varðar ;-) Ég ætla því að reyna að standa undir væntingum og deila með ykkur uppskrift af ómótstæðilegum fylltum kjúklingabringum.


Fylltar kjúklingabringur með döðlum og fetaosti
4 bringur
1 krukka af fetaosti
1 laukur (ég nota blaðlauk)
1/3-1/2 poki af döðlum

Þetta er mjög einfalt, eina sem þú þarft að gera er að saxa laukinn og döðlurnar frekar smátt. Þessu er svo skellt í pott ásamt fetaostinum (það er alveg nóg að nota helminginn af olíunni), hrært saman við vægan hita þar til osturinn fer að bráðna og döðlurnar að maukast. Fyrir þá sem eiga matvinnsluvél, þá finnst mér algjör snilld að láta döðlurnar liggja í bleyti í smá stund. Mauka svo döðlurnar, ostinn og laukinn saman. Vola, komin þessi fínasta fylling.
Þá er bara að setja gumsið inn í útflattar bringurnar (eða troðið þessu í vasa á bringunum sem þið gerið með hníf), kryddið bringurnar með góðu kjúklingakryddi, salt og pipar. Skellið í eldfastmót og inn í bakarofn eða á grillið en þá er betra að vefja bringunum inn í álpappír svo gumsið leki ekki út. Eldið þar til bringurnar eru tilbúnar ;-)
Finnst æðislegt að hafa kartöflumús úr sætum karftöfl-um með, ásamt ljúffengu sumar-salati og villisveppasósu.

Í eftirrétt er viðeigandi að hafa rabarbarapie, finnst það svo sumarlegt.

Rabarbara Rúna
250 gr rabarbari
1 dl sólblómafræ
2 dl púðursykur
1/2 pakki Ritzkex
2 msk. smjör (finnst gott að bræða það örlítið)

Rabarbarinn er skorinn í litla bita og settur í eldfast mót. Restin er sett í skál og hrært saman og sett ofan á rabar-barann. Þetta er sett inn í ofn í 20 mín við 180° C. Bragðast yndislega með vanilluís eða rjóma.

------------------------------------------------------------------------------------------------------

Ég hef ákveðið að skora á góða vínkonu mína hana Mareike Schacht á Fljótshólum. Mareike er algjör snillingur þegar kemur að matargerð og verður maður aldrei svikinn á að fara í mat til hennar ;-)

Heimir Rafn Bjarkason er sunnlenski matgæðingurinn þessa vikuna.

Takk Thelma mín, lengi hef ég beðið og vonað. Góð hugmynd hjá þér að skíra súpuna Spiderman-súpu. Ég veit hvað Reynir bróðir getur verið erfiður að borða. Ég tek undir það að ég er snillingur í eldhúsinu og ákveð því að deila með ykkur einhverju af þeirri snilld.

Humarsúpa
Steikið humarskeljar, 1 stk. niðurskorinn lauk og 2 saxaðar gulrætur vel á pönnu. Sjóðið svo á lágum hita í 2 l af vatni í 2 klst, lengur ef þið nennið. Takið lok af potti og sjóðið niður um helming. Bakið upp smjör og hveiti í jöfnum hlutföllum (ca 50 g af hvoru) og bætið soðinu hægt og bítandi útí. Setjið matskeið af tómatpúrru útí, 3 dl af hvítvíni og smá af koníaki. Að þessu loknu skellið þið miklu af rjóma í og látið malla. Bætið humarkrafti í eftir smekk. Ef súpan er vond þá kaupið tilbúna súpu í dós. Þá eigið þið tvær vondar súpur.

Hægeldað lambakjöt
Takið súpukjöt eða fram-parts-sneiðar og hendið í eldfast mót ásamt einum pakka af heilum sveppum, niðurskorn-um gulrótum og lauk. Hellið því næst úr hálfri flösku af rauðvíni útá og setjið svo maukaða fláða tómata yfir. Inn í ofn á 75° og látið malla í 5-6 tíma. Með þessu er svo hrikalega gott að hafa kartöflumús.

Í eftirrétt er svo fínt að fá sér Snickers.

---------------------------------------------------------------------

Eftir vandlega íhugun hef ég ákveðið að biðja hana Iðunni Ýr Ásgeirsdóttur í Forsæti að opna fyrir okkur eldhúsið. Hún hefur oft glatt á mér belginn.

Thelma Dröfn Ásmunds­dóttir er sunn­­lenski mat­­gæð­ing­urinn þessa vikuna.

Ég þakka elsku Sif, vinkonu minni til 25 ára eða svo, fyrir að kalla mig meistara í eldhúsinu ☺ Orðum ofaukið eða ekki. Látum það liggja milli hluta. Þessi súpa er mjög fljótleg og einföld, við köllum hana spiderman súpu á mínu heimili, það er víst miklu skemmtilegra að borða spider­mansúpu heldur en tómatsúpu.

Tómatsúpa (spidermansúpa)
1 laukur saxaður
3 hvítlauksrif söxuð
1 lárviðarlauf
2 dósir tómatar
1msk tómatpúrra
½ líter vatn
2 msk grænmetiskraftur
1 msk hunang (eða önnur sæta)
1 msk basil
Parmesan ostur
Salt og pipar
Steikið lauk og hvítlauk í ólífuolíu í smá stund, ásamt lárviðarlaufi. Setjið tómatana útí, saltið og piprið vel og bætið við grænmetiskrafti, látið malla í 10-15 mín. Takið lárviðarlaufið frá og setjið súpuna í mixara og maukið eða notið töfrasprota. Setjið súpuna aftur í pottinn og bætið vatninu útí og fáið suðuna aftur upp. Setjið tómatpúrru, hunangið, basil og 1-2 msk rifinn parmesan ost útí að lokum. Gefið þessu 5 mín í viðbót og smakkið til með salti og pipar.

Sunnudagsbollurnar
700 g spelti (ég nota fínt og gróft til helminga)
1 tsk salt
3 tsk vínsteinslyftiduft
500 ml AB-mjólk/súrmjólk
2 tsk agavesíróp
1 msk kókosolía
15 sólþurrkaðir tómatar (án olíunnar)
Blandið saman spelti, salti og vínsteinslyftidufti. Hrærið agavesírópi og kókosolíu saman og hellið út í þurrefnin. Blandið svo AB-mjólkinni við. Saxið sólþurrkaða tómata smátt og setjið út í deigið. Hrærið deigið varlega saman, ekki of mikið. Deigið á að vera þannig að hægt sé að móta bollur með góðu móti án þess að hægt sé að hnoða það. Skiptið deiginu í 12 hluta og mótið bollur. Bakið við 225°C í 15-20 mínútur. Þessar eru guðdómlegar nýbakaðar með smjöri og osti.

-----------------------------------------------------------------------------

Eftir miklar vangaveltur hef ég ákveðið að skora á snilling í eldhúsinu, elskulegan mág minn Heimi Rafn Bjarkason.  Hann verður örugglega ánægður með það ☺

Sif Sigurðardóttir er sunn­­lenski mat­­gæð­ing­urinn þessa vikuna.

Ég vil þakka Jóhönnu góð­vinkonu minni úr Kakónibb­unum kærlega fyrir áskorunina. Jóhanna er einstök, mikill heilsugúru og hefur einstaklega heilsueflandi áhrif á alla í kringum sig.
Ég tek áskoruninni og kem með holla og góða uppskrift af Mexicosúpu sem er mjög vinsæl á mínu heimili.

Mexicosúpa með kjúklingi og sætum kartöflum

1 dl vatn
400 gr. kjúklingakjöt (má sleppa og setja 2 sætar kartöflur)
1 rauð paprika
½ rautt chilli fræhreinsað
1 laukur eða 5-6 hvítlauksrif
2 tsk. paprikuduft
1 sæt kartafla
6 þroskaðir íslenskir plómutómatar
3 msk. lífræn tómatpúrra
1 l vatn
1 tsk. sjávarsalt
2 vænar msk. grænmetiskraftur
2 dl. aukefnalaus salsasósa
100 gr. rjómaostur  eða 200 ml kókosmjólk

Skerið kjúklinginn í munn­bita. Fræhreinsið chillíið, þvoið paprikuna og skerið í litla bita. Saxið laukinn smátt.
Steikið kjúklinginn, paprik­una og chillíið í potti í 1 dl. af vatni við vægan hita og látið paprikuduftið krauma með. 
Afhýðið sæta kartöflu og skerið í munnbita, ef ekki er notaður kjúklingur er gott að setja 2 sætar kartöflur.
Þvoið og skerið tómatana og setjið þá ásamt sætu kartöflunni út í pottinn.
Næst er sett tómatpúrra, vatn, sjávarsalt og græn­metiskraftur út í pottinn og þetta látið sjóða í 20 mín.
Að lokum er salsasósunni og  rjómaostinum/kókosmjólkinni bætt út í og látið hitna í örfáar mín, ef þarf.
Berið fram með nachos, sýrðum rjóma og rifnum osti.

Þetta er einstaklega góð súpa sem er enn betri daginn eftir. Hún er einföld, fljótleg og gaman er að leika sér með hráefnin og þannig getur hver og einn búið til sína útgáfu.

--------------------------------------------------------------------------

Ég skora á Thelmu Dröfn Ásmundsdóttur, vinkonu mína og samstarfskonu að koma með uppskrift í næstu viku. Ég er alveg viss um að hún kemur með holla og góða uppskrift þar sem hún er sannkallaður meistari í eldhúsinu.

Jóhanna Sigreíður Hann­es­dóttir er sunn­­lenski mat­­gæð­ing­urinn þessa vikuna.

Ég þakka góðvini mínum Baldvini kærlega fyrir áskorun­ina. Baldvin er eðal drengur sem er gaman að þekkja. Mér finnst hestar aftur á móti svo falleg dýr að ég get ekki hugsað mér að búa til bjúgu úr þeim.

Ég ætla ekki að koma með uppskrift að hnetusteik eins og Baldvin vonaðist til. Aftur á móti gef ég ykkur uppskrift að unaðslegum eftirrétti sem er í miklu uppáhaldi hjá mér.

Avocado súkkulaðimús
2 stk. meðalstór velþroskuð avocado
5 stk. döðlur
1/4 bolli kókosmjólk
1/3 bolli lífrænt kakó
1 tsk lífræn vanilla
Saltverk sjávarsalt (pínupons)

Saxið döðlurnar smátt niður og látið liggja í kókosmjólkinni í amk 10 mín. Bætið svo restinni saman við og blandið síðan öllu vel saman með töfrasprota. Þið getið svo geymt músina í kæli í smá stund ef þið viljið borða hana kalda. Ég mæli svo með því að strá kakónibbum og kókos­flögum yfir súkkulaðimúsina - það gerir hana alveg extra góða. 
Þessi réttur er einstaklega hollur fyrir líkama og sál og því getur fólk borðað hann með góðri samvisku og eins oft og það vill.

Þessi uppskrift er svona týpísk uppskrift sem maður smakkar og lagar til eftir sínu höfði. Ég set oftast aðeins meira af kakódufti og kókosmjólk. Ég mæli sérstak­lega með að kakóduftinu og kakónibbunum frá Navitas en vörurnar frá þeim eru í algjörum gæðaflokki. Navitas fæst m.a. á www.mamma­veitbest.is og hjá vinkonum mínum í Heilsuhúsinu á Selfossi.

-----------------------------------------------------------------------------------------

Ég skora á Sif Sigurðardóttur, vinkonu mína úr Kakónibbunum, að koma með uppskrift í næstu viku. Ef ég þekki hana rétt þá kemur hún með einhverja ofur góða og holla uppskrift.

Baldvin Árnason er sunnlenski matgæðingurinn þessa vikuna.

Ég þakka Marinó Fannari kærlega fyrir áskorunina.  Þar sem seinasta veiði okkar félaga var gömul hryssa á ónefndum stað í hreppum finnst mér vel við hæfi að koma með uppskrift af sannkölluðum drauma kvöldverði.  Þessi verður er afar sjaldan á borðum á mínu heimili þar sem kvenfólkið er lítt hrifið af honum.  Því miðast magn hráefnis í þessa uppskrift við mettun á einum maga en auðvelt er að bæta við hana ef von er á gestum.

Efni:
1 stk. gróft hrossabjúga
3 meðalstórar kartöflur
25 g smjör
25 g hveiti
1/2 l mjólk
1/2 tsk. salt
1 msk. sykur
Ögn hvítur pipar
3 pottar, 2 með loki og áhöld við hæfi.

Aðferð:
Hrossabjúgað er sett í pott og er stærð hans í réttu hlutfalli við stærð bjúgans.  Hann er þá fylltur af vatni þannig að fljóti yfir bjúgað. Hitið vatnið að suðu og látið malla við vægan hita í 20-30 mín. Sjóðið kartöflurnar samhliða bjúganu en þó í öðrum potti.  Stærð potts og magn vatns ákvarðast eins og áður með bjúgað.  Meðan bjúgað og kartöflurnar eru að malla er fínt að útbúa uppstúf.  Bræðið smjörið í potti, þó ekki pottunum sem bjúgað og kartöflurnar eru að malla í.  Hrærið hveitinu saman við þannig að úr verði smjörbolla. Bætið þá mjólkinni varlega saman við og hrærið stanslaust í til að það myndist ekki kekkir, látið sjóða í nokkrar mínútur og munið að hræra vel í. Kryddið svo með salti, sykri og pipar eftir smekk.
Með þessu er gott að borða grænar baunir og rauðrófur frá Ora. Í eftirrétt er ekki ónýtt að fá sér svo bláberjaskyr með hnausþykkum rjóma og nýtíndum aðalbláberjum úr hlíðum austfirsku Alpanna.

------------------------------------------------------------------------------------------

Ég vil skora á Jóhönnu Sigríði Hannesdóttur, verðandi Þjóðfræðing að koma með uppskrift í næsta blaði. Ef ég þekki hana rétt ætti hún að geta komið með uppskrift af gómsætri hnetusteik eða einhverju allt öðru en hrossabjúgu.

Marinó Fannar Garðarsson  afleysingakokkur er sunnlenski matgæðingurinn þessa vikuna.

Ég þakka Guðmundi Karli stórleikara og góðvini mínum fyrir áskorunina. Á mínu heimili var uppskriftin hans að sjálfsögðu prófuð og enginn sem var svikinn af því.
Við fjölskyldan erum oft með fisk í matinn og eitt það vinsælasta er þessi  ágæta súpa sem konan mín á reyndar upphaflega heiðurinn af. Uppskriftin er afar þægileg þar sem auðvelt er að notast við hvaða það grænmeti sem til er  hverju sinni  og hvaða fiskmeti sem er, eða jafnvel bara sleppa honum – ágætis grunnur til að nýta afganga og frekar fljótleg í eldun.

2 msk. kókosolía
Smátt skorinn púrrulaukur
2 stk. hvítlauksrif
2 msk karrímauk (passa að það sé ekki of sterkt)
2 msk. mangó chutney
1 msk. tómatpúrra
Sirka 500 gr af blönduðu niðurskornu grænmeti t.d sæt kartafla, gulrót, papríka, vorlaukur, blómkál o.s.frv
1 dós af kókosmjólk
500 ml vatn
1-2 fiskflök eða t.d. 600 gr af humri, rækju o.sfrv. (Líka fínt að blanda tegundum eða nota eitthvað allt annað t.d kjúkling).
3 cm af ferskri engiferrót
2 tsk. af grænmetiskrafti (frá Sollu)
Kryddað með góðu sjávarsalti og nýmöluðum svörtum pipar.

Allt grænmeti er saxað smátt. Kókosolía er sett í pott ásamt púrru, hvítlauk og karrí mauki, látið mýkjast og þar á eftir er grænmetinu, tómatpúrru og mangó chutney bætt útí. Hellið síðan kókosmjólk og vatni saman við. Bætið við grænmetiskrafi og engifer og látið sjóða þar til grænmetið er orðið mjúkt. Ég elda yfirleitt fiskmetið eða kjúkling sér og bæti síðan útí þegar súpan er að verða tilbúin. Þar á eftir er súpan smökkuð til með salti og pipar og gott er svo að bera hana fram með góðu grófu brauði.

-------------------------------------------------------------------------------------

Ég vil skora á Baldvin Árnason, veiðifélaga minn og góðan vin að koma með uppskrift í næsta blaði. Hann er duglegur að bjóða mér og mínum í mat til sín og það klikkar aldrei, sérstaklega þegar hann hefur tekið sig til og mallað eitthvað úr garðinum sínum í búgarðabyggðinni eða einhverja fína villbráð sem hann hefur fangað.

Guðmundur Karl Sigurdórsson er sunnlenski matgæðingurinn þessa vikuna.

Ég þakka Guðjóni nágranna mínum kærlega fyrir áskor-unina. Ég get staðfest það að hann er frábær kokkur auk þess sem hann syngur vel í baði.
Konan mín er „heilsuóð“ og reynir stanslaust að plata einhverja heilsurétti ofan í mig. Það gengur yfirleitt ekki en sumt er þó vel ætt og langar mig til þess að deila með ykkur uppskrift að grænmetis lasagne sem ég hef náð einstaklega góðum tökum á að matreiða.

Í réttinn fer:
1 stór laukur
2 hvítlauksrif
200 gr gulrætur
200 gr rauð paprika
250 gr sveppir
1 flaska niðursoðnir tómatar (t.d. frá Himneskt)
2 msk tómatpúrra
1 tsk grænmetiskraftur (t.d. frá Himneskt)

Það er gríðarlega mikilvægt að nota íslenskt grænmeti í þennan rétt og þá helst úr Hrunamannahreppi. Mæli-eining-arnar fyrir grænmetið eru alls ekkert heilagar en það er ágætt að hafa þær til viðmiðunar.
Kryddin sem notuð eru í réttinn eru lykilatriði og algjörlega ómissandi. Þarna þarf að nota sjávarsalt (mæli með Saltverk), svartan pipar, cayenne pipar, oregano, major-an og svolítið timian. Þetta er kryddað eftir smekk en farið varlega í cayanne piparinn því hann er sterkari en Grétar Guðmundsson frá Haugi.
Síðan erum við að sjálfsögðu með lasagne blöð (annað hvort spelt eða heilhveiti), parmesan-ost í duftformi og einn poka af pizzaosti.

Aðferð:
Grænmetissósan er búin til með því að steikja mjög fínskorið grænmetið í matar-olíu við vægan hita. Kryddin fara út í við steikinguna. Bætið síðan við maukuðum niður-soðnum tómötum og tómat-púrru. Næst fer græn-metis-krafturinn út í og þetta er látið krauma í smá stund (u.þ.b. 5-10 mín).
Setjið síðan grænmetissósu og lasagne blöð til skiptis í smurt eldfast mót og stráið parmesan ostinum yfir græn-metissósuna á milli lasagna-blaða. Mótinu er síðan lokað með álpappír og herlegheitin bökuð í ofni í 30 mínútur við 180°C. Stráið síðan rifna ostinum yfir og bakið í 15 mínútur án álpappírs.
Í staðinn fyrir að kaupa tilbúna, niðursoðna tómata er hægt að setja sirka sex stóra tómata frá Helgu og Guðjóni á Melum í skál, hella yfir sjóðandi heitu vatni og láta liggja í vatninu þar til hýðið á tómötunum byrjar að springa af. Þá eru þeir afhýddir og saxaðir niður.
Ef þetta misheppnast hjá ykkur þá mæli ég með að þið kíkið á Fannar og Tomma á Kaffi krús og pantið eitthvað gott af matseðli.

-----------------------------------------------------------------------------------------------------

Ég vil skora á afleysingarkokkinn á Þórunni Sveins VE, Marinó Fannar Garðarsson, að opna matreiðslubókina sína hér í næstu viku. Hann býður mér aldrei í mat þannig að það væri fínt að fá uppskrift að einhverju góðu sem ég get þá brasað sjálfur.

Guðjón Þórisson Sandvíkurbóndi er sunnlenski matgæðingurinn þessa vikuna.

Ég vil byrja á að þakka Axel vini mínum að senda á mig þessa áskorun, hann kann sitt fag í elhúsinu hvort sem er að ræða mat eða drykki.
Ég er nú ágætur  í eldhúsinu heima og á mína spretti öðru hvoru. Stundum geri ég Ungverska gúllassúpu sem klikkar aldrei.

800 g nautagúllas
2 laukar
5 hvítlauksrif
1  1/2 msk paprikuduft
1 1/2 l vatn
Olía til steikingar
2 nautateningar
1 tsk kúmenfræ
1-2 tsk meiran
400 gr kartöflur (nota stundum sætar kartöflur)
2-3 gulrætur
2 paprikur
4-5 tómatar eða 1 dós niðursoðnir (400 gr)

Saxið lauka og hvítlauksrif, steikið kjötið í olíunni í potti ásamt lauk og hvítlauk. Stráið paprikuduftinu yfir kjötið og bætið vatni út í pottinn ásamt kjötkrafti, kúmeni og meirani. Látið sjóða við vægan hita í 40 mín. Skerið kartöflur, gulrætur, papriku og tómata í litla bita og þeim út í pottinn og látið sjóða við vægan hita í hálftíma. krydda með salt og pipar ef með þarf.

--------------------------------------------------------------------------------------------------------------------

Ég vil skora á Guðmund Karl Sigurdórsson, nágranna minn, að deila einhverri snilldaruppskrift til lesenda blaðsins.

Axel Davíðsson er sunn­­lenski mat­­gæð­ing­urinn þessa vikuna.

Ég vil byrja á að þakka þér Linda og samtímis bjóða þér og þínum í ekta Flæskesteg (Purusteik) með öllu tilheyr­andi, nánari tímasetning kemur meira private.

Og hefst þá brasið:
Fyrst er byrjað á því að hreinsa kjötstykkið svo er gott að nota dúkahníf til þess að skera niður í puruna og þá alveg niður í kjötið og búa til rendur yfir alla steikina. Finna til ofnfast fat sem rúmar steikina vel en er helst nógu lítið til að það umljúki hana ágætlega, Steikin er svo sett öfug í fatið ásamt vatni sem nær upp fyrir puruna.

1. Sett inn í 175 gráðu heitan ofn í 20 mín, ókryddað og allt.  Þarna er puran að drekka í sig vatn sem kemur sér að góðum notum þegar við viljum fá hana til að „poppa“ eða verða harða og góða við lokasteikingu.

2. Tekin út úr ofninum, vatninu hellt af steikinni.  Ca 1/2 lítri af vatni hellt í fatið og steikinni snúið við þannig að puran snýr upp.  Núna er salti núið inn í puruna þannig að það fari örugglega nóg á hana og inn á milli fiturandanna/purunnar, smá pipar sett á líka.  Gott er að bæta við eins og einum niðurskornum lauk og einhverjum gulrótarbitum í vatnið hjá steikinni til að gefa henni bragð.  Það klassíska er að setja í puruna lárviðarlauf eða í vatnið sem steikin liggur í.  Inn i ofn með steikina og kjarnhiti á að ná 75 gráðum, tekur ca 1 til 1,5 klst.

3. Steikin tekin út úr ofninum aftur, hitinn færður upp í 225-250 gráður og vatni hellt af steikinni.  Soðið er sigtað yfir pott  sem notað er í soðsósu.  Steikin látin vera inni í ofnin­um þar til puran hefur „poppast“ vel.  Gott er að miða við að kjarnhiti fari ekki yfir 85 gráður.

Soðsósan er svo útbúin úr soðinu, sósujafnara, 0,5 ltr. rjóma, grænmetistening, rifs­berjasultu og dass af rauðvíni, yfirleitt finnst mér ekki þörf á kryddi í sósuna þar sem soðið er það bragðmikið, ef vill þá er það salt og pipar.

Með þessu er gott að bera fram brúnuð jarðepli, saltaðar kartöfluflögur, rauðkál og súrar gúrkur, og að sjálfsögðu drykk við hæfi. Þó gildir nú sem oftast bara að velja meðlæti eftir smag og behag.

------------------------------------------------

Og svo er komið að því sem mér þykir hvað skemmtilegast við þetta og það er að fá að skora á Guðjón Þórisson Sandvíkurbónda til að koma með einhverja af sínum meistarauppskriftum. 

Takk fyrir áskorunina elsku Jóa mín !
Ég ætla að deila með ykkur  humar forrétti sem er á Íslandsbankadagatalinu frá árinu 2012 og eldsteiktri  lambalund eða hryggvöðva. Hrikalega gott og auðvelt.

Lesa nánar: Sunnlenski matgæðingurinn 21. febrúar

Matthildur Elísa Vilhjálmsdóttir í Norðurgarði er sunnlenski matgæðingurinn þessa vikuna.

Takk fyrir áskorunina Ásta frænka, hún kom skemmtilega á óvart. Ég ætla að deila með ykkur uppskriftum af tveimur réttum sem t.d. sóma sér vel á fermingarhlaðborði, því eflaust eru margir í slíkri skipulags-vinnu þessa dagana.
Fyrst eru það fljótlegar kjötbollur sem hægt er að gera með góðum fyrirvara og frysta, hita síðan upp í ofni rétt áður en þær eru bornar fram.

2 kg nautahakk
1 pakki Ritz kex
1 pakki púrrulaukssúpa
2 egg
Salt og pipar ef vill (ég nota stundum hvítlaukspipar).

Ofninn hitaður í 200°C.  Kexið mulið og svo er öllu hrært saman, litlar bollur mótaðar og settar á pappírs-klædda bökunarplötu. Bakað í miðjum ofni í ca 8-12 mín, fer eftir því hvað bollurnar eru stórar.
Gott að bera fram með sweet chilli sósu eða  jógúrt-chilli sósu (grísk jógúrt og sweet chilli hrært saman).

Sjávarréttasalat
250 g hörpudiskur (lítill)
250 g rækja
400 g langa eða lúða
2 stk. límónur, safi og börkur
1 stk. rauður chilli-pipar, fínsaxaður
1 stk. lítil rauð paprika, skorin smátt
1 stk. lítil gul paprika, skorin smátt
1 stk. hvítlauksrif, pressað eða fínsaxað
1 msk. engifer, fínt saxað
4 msk. góð ólífuolía
1 tsk. arómat
Salt og pipar eftir smekk
½ gúrka, skorin smátt
1 búnt af fersku kóríander, saxað
4-5 stk. vorlaukar, fínt saxaðir

Fiskur og hörpudiskur skorinn í smáa teninga og settur í skál með rækjum. (Fyrir þá sem vilja er í lagi að skella fiskinum og hörpu-diskinum fyrst augnablik í sjóðandi vatn og kæla).  Límónubörkurinn rifinn smátt, settur út á sjávarfangið og safinn úr ávextinum kreistur yfir. Hrærið saman olíu, salti, pipar, arómati, chilli, papriku og engifer og blandið því varlega saman við. Látið liggja í skálinni í minnst tvær klukkustundir en því lengur því betra. Gott að gera réttinn kvöldið áður og geyma í kæli.
Rétt áður en salatið er borið fram er gúrku, vorlauk og kóríander bætt saman við blönduna. Ég bæti stundum jöklasalati einnig út í, þá verður sjávarréttasalatið mun matarmeira og drýgra, en alls ekki síðra.

Kærar þakkir fyrir mig, njótið vel og lifið heil.
-------------------------------------------------------------------------------------------------------------------
Ég má til með að skora á systur mína, hana Jóhönnu Margréti kvenfélagsformann og stórbónda á Hlemmiskeiði að koma með uppskriftir í næstu viku.

Ásthildur Ingibjörg Ragnarsdóttir á Selfossi er sunnlenski matgæðingurinn þessa vikuna.

Ég vil þakka Siggu Ósk fyrir áskorunina. Alltaf hægt að treysta þeirri skvísu.  Ég ætla að deila með ykkur það sem er í uppáhaldi heima hjá mér.

Heimalagað BBQ svínarif fyrir 4 – 6 manns.
2 kg svínarif  (fæst í Nóatúni og stundum í Krónunni)

Sósan sem ég nota á rifin
3/ 4 flaska Hunt’s Honey Mustard BBQ sósa
200 gr púðursykur
ca 1 msk. Dijon sinnep (eða annað sterkt sinnep)
Salt og svartur grófmalaður pipar.

Aðferð
Rifin skorin í hluta ca. 1-3 rifbein og krydduð með salti og pipar. Látið í pott með vatni þannig að fljóti yfir rifin. Rifin soðin í ca. 25 mín. Hitið ofninn í 180 – 200°C. Takið rifin upp úr pottinum og þerrið af þeim og penslið með sósunni og sparið hana ekki. Rifin sett á miðgrind inn í  heitan ofninn. Gott er að hafa skúffu fyrir neðan grindina með álpappír til að forðast að óhreinindi festist í skúffunni. Rifjunum snúið eftir 15 – 20 mín. eða þegar þau fara að brúnast og „karamellast“ og elduð áfram í ca. 15-20 mín.

BBQ sósan.
Öllu hráefni blandað saman og hrært út þar til sykurinn leysist upp.
Gott er að bera þetta gúrme fram með hrísgrjónum, soðn-um maísstönglum og salati.

Salatið sem ég bý til er eftirfarandi
Lambhagasalat
3 - 4 tómatar
Hálf agúrka
1 msk. af majónes
1 msk. af sýrðum rjóma
Salt og pipar.
Salatið rifið niður og tómatarnir og agúrkan skorin.Öllu blandað vel saman og geymt inni í ísskáp á meðan maður dundar sér við kjötið.

Læt fylgja einn klassískan eftirrétt með.
Vanillumjúkís
Sykraðir ávextir í dós
Heit Mars sósa.

Takk fyrir mig og ég vona að þið reynið við þetta, þið verðið ekki svikin af því.

------------------------------------------------------------------------------------------------------------

Ég skora á stórfrænku mína hana Matthildi Elísu Vilhjálmsdóttur í Norðurgarði á að spreyta sig næst.
Ef einhver er snillingur í eldhúsinu þá er það hún. J

Sigríður Ósk á Hlemmiskeiði er sunnlenski matgæðingurinn þessa vikuna.

Ég vil þakka Jónu Sif fyrir traustið og áskorunina. Ég á dálítið erfitt með að fylgja uppskriftum og er yfirleitt búin að bæta einhverju útí áður en maturinn er kominn á borðið.  En þessi uppskrift er svo góð að það þarf engu að bæta við hana, en ég mæli með að gera tvöfalda uppskrift af fyllingunni því hún er alveg hrikalega góð.

Fyllt lambalæri:
1 lambalæri
100 gr. Fetaostur grófmulinn
10-12 sólþurrkaðir tómatar, saxaðir 
3 msk. furuhnetur
3 msk. rautt pestó
2-3 hvítlauksgeirar, smátt saxaðir
10-15 basilikublöð, söxuð
Nýmalaður pipar
Salt

Aðferð:
Úrbeinið lærið að hluta en skiljið leggjarbeinið eftir.
(Ég geri þetta daginn áður og legg lærið í Cai P grillolíu og inn í ísskáp, en það er ekki nauðsynlegt).
Blandið saman fetaosti, tómötum, furuhnetum, pestói, hvítlauk, kryddjurtum, pipar og dálitlu salti í skál og fyllið holrúmið með blöndunni.
Lokið vel fyrir með grill-pinnum (ég nota nú bara slátur-garn og bind þetta saman).
Kryddið lærið vel að utan með pipar og salti. (og kannski smá auka steikarkrydd eftir smekk)
Steikið í ofni við 180 -190° í 1 klst. og 20 mín, (gott að nota kjötmæli)
Gott að hafa ofnsteiktar kartöflur og rótargrænmeti með, gott ferskt salat og góða sósu.
Læt svo fylgja með uppskrift af alveg geggjaðri köku í eftirrétt:

Maríukaka:
Hráefni:
3 egg
3 dl sykur
4 msk smjör
1 plata suðusúkkulaði
1 tsk. salt
1 tsk. vanilludropar
1 1/2 dl. hveiti

Ofan á kökuna:
4 msk. smjör
1 dl púðursykur
3 msk. rjómi
Picanhnetur (ofan á kökuna)
1 plata suðusúkkulaði (ofan á kökuna)

Aðferð:
Eggin eru þeytt í froðu, svo bætir þú sykrinum útí og hrærir betur.
Bræðir eina plötu af suðu-súkkulaði og 4 msk. af smjöri og bætir því ásamt rest út í deigið og hrærir betur. Deigið sett í form (passa að nota form sem ekki lekur úr því deigið er mjög þunnt)
Bakað við 180° í 15-20 mín.
Á meðan kakan er í ofninum setur þú smjörið og púður-sykurinn í pott og bræðir og hrærir vel í. Lætur suðuna koma upp þannig að þetta er orðið svolítið þykkt og karamellulegt (láta sjóða í 1. mín. á meðan þú hrærir). Svo hellirðu rjóma útí og þá er þetta tilbúið.
Tekur kökuna út og stráir muldum pican-hnetum og hellir karamellunni  yfir, svo er kakan sett aftur í ofninn í 20 mín.
Gott að strá súkkulaðibitum yfir kökuna um leið og kakan er tekin út og bera hana svo fram með þeyttum rjóma eða ís.

Takk fyrir mig og verði ykkur að góðu.

-------------------------------------------------------------------------------------------------------
Nú sendi ég boltann úr sveitinni og vil skora á vinkonu mína hana Ásthildi Ingibjörgu Ragnarsdóttur á Selfossi að töfra eitthvað gómsætt fram í næsta blaði. Hún er snillingur í eldhúsinu.

Jóna Sif Leifsdóttir á Hlemmiskeiði er sunnlenski matgæðingurinn þessa vikuna.

Ég þakka Sigga fyrir traustið og þessa skemmtilegu áskorun.
Þar sem ég fer nú ekki mikið eftir uppskriftum og nákvæm-um mælingum í matargerð þá verð ég að reyna mitt besta til að koma uppskrift á blað.

Hér kemur einn góður og einfaldur kjúklingaréttur sem klikkar alderi.

Það sem þarf er:
4 bringur eða einn pakki lundir.
1 stór sæt kartafla
1 poki spínat
1 krukka fetaostur
1 krukka mango chutney sweet
Dass af karrý
Hálfan pakka eða svo af Ritz kexi.

Aðferð:
Skerið kartöfluna í bita eða sneiðar og setjið í eldfast mót.  Gott er að setja þær í heitan ofn til að skera þær mjúkar meðan kjúllinn er skorinn og steiktur.
Kjúllinn er sem sagt skorinn í bita og steiktur á pönnu, kryddað með karrý og mango chutney hellt yfir kjúklinginn á pönnunni.  Blandað vel saman.
Takið sætu kartöflurnar úr ofninum, (notið ofnhanska hér) og setjið spínat yfir kartöflunar.  Hellið svo hálfri krukku af fetaostinum yfir spínatið, setjið svo kjúklinginn yfir og restina af fetaostium.  Myljið svo Ritz kexið yfir og hitið í ofni við 1800 C í 20 - 30 mín.

Gott er að bera þetta fram með hvítlauksbrauði og góðu salati.

Læt fylgja með góða skyrtertu í eftirrétt:
1 pakki Homeblest (gott báðu megin) eða LU kanilkex
1 dós vanilluskyr, stór
500 ml rjómi
Kirsuberjasósa frá Den gamle fabrik eða öðrum

Aðferð:
Myljið kexið niður í fat
Þeytið rjómann og blandið skyrinu saman við og það sett yfir kexið.
Kirsuberjasósunni helt yfir.

Það er best að gera þessa skyrtertu nokkrum tímum áður en hún er borin fram.

Takk fyrir og verði ykkur að góðu.
-----------------------------------------------------------------------------------------

Ég vil svo skora á góða nágrannakonu mína hana Sigríði Ósk á Hlemmiskeiði, að koma með góða uppskrift í næsta blað.  Hún lumar á mörgu góðgætinu.  :)

Sigurður Kárason þúsundþjalasmiður í Öxl er sunnlenski matgæðingurinn þessa vikuna.

Ég vil byrja á því að þakka Daða vini mínum áskorunina og traustið, ég mun reyna hvað ég get að standa undir því.
Hér kemur uppskrift af hamborgurunum sem Daði minntist á í síðasta blaði.

Í 6 borgara þarf ca. eftirfarandi
800 g. nautahakk
1 msk. Worcestershire sósa
1-2 msk. Cai P. original BBQ olía
1 msk. sætt sinnep
1 msk. fetaostur
Krydd.
Nautahakkið sett í skál það er gott að stappa fetaostinn saman við hakkið kryddið alveg slatta með t.d. Best á borgarann, svartur pipar og smá salt. Allt hrært vel saman og skipt svo niður í 6 jafn stórar kúlur.
Þjappið vel saman með höndunum (hreinum) setjið á bretti og fletjið út ca.1,5 cm þykkt  og svo bara grilla! Ekki gleyma ostinum þegar búið er að grilla borgarann öðru meginn. Smjörsteikið sveppi, steikið egg og beikon, skerið niður papriku, lauk og salat. Gott að hafa sósu með annað hvort sinneps- eða ham-borgarasósu.
Það er mjög gott að hafa ofnsteikta kartöflubáta með, skerið niður kartöflur í eldfast mót setjið olíu, salt og pipar, hvítlauk og ögn af balsamic ediki. Bakið ca. 30 min.
Drykkir eftir smekk hvers og eins.
Ég læt fylgja með uppskrift af ísköku, alveg rosa góðri.

Marens botnar
4 eggjahvítur
2 dl sykur
Rice crispies (eins og blandan þolir)
Ís
4 eggjarauður
1 dl sykur
Hálfur lítri rjómi
2 pokar Daim kurl
Marens botnar:
Þeytið eggjahvíturnar mjög vel setjið sykurinn saman við og þeytið meira. Hrærið Rice crispies saman við með sleif, bakið 2 botna við 130° í 45 min.
Eggjarauður og sykur þeytt vel saman, hálfur lítri rjómi þeyttur, hrærið öllu saman með sleikju setjið svo 2 poka  af Daim kurli útí. Þessu er svo smurt á annan botninn og hinn settur ofan á. Setjið í frysti í nokkra tíma.

Heit sósa
Bræðið saman 4-5 mars stykki, hellið aðeins yfir kök-una og restina í skál eða könnu.

Verð ykkur að góðu.

------------------------------------------------------------------------------
Nú ætla ég að skora á Jónu Sif Leifsdóttur á Hlemmiskeiði að koma með uppskrift í blaðið, ég veit að hún er listakokkur.

Daði Viðar Loftsson í Birki­kinn er sunn­­lenski mat­­gæð­ing­urinn þessa vikuna.

Ég þakka Óla frænda fyrir þessa áskorun.  Ég skora á hann á móti að færa Sigga Palla á Ásólfsstöðum gnúp­verskt heimareykt hangilæri svo hann hafi nú eitthvað ekta úr sveitinni að bjóða óvæntum gestum.
Hér kemur matseðillinn á mínu heimili sl. laugardag.

Forréttur:
Grillaðir humarhalar
Efni: Humarhalar, smjör, hvítlaukur og bagettur.
Hrærið smjörið og pressaðan hvítlauk saman. Hlutfall ca. 150 gr smjör á móti 4 hvít­lauksgeirum. Alvöru humar­halar frá Hornafirði (ca. 4 pr. mann) eru skornir í helminga og svarta rákin hreinsuð. Lagðir í eldfast mót og smurðir vel með hvítlaukssmjörinu. Stungið í ofn við 250°C í 2-4 mín eða grillað á útigrilli. Borið fram með bagettu eða öðru góðu brauði. Kryddað eftir þörfum með salti og pipar.

Grillaðir lambalærisvöðvar.
Efni: Lambalæri vel stórt, kryddblanda.
Hreinsið alla vöðva úr lambalærinu með hreinum höndum eða í hönskum eins og Óli notar. Einfalt er að ná vöðvunum með því að fylgja þeim með puttunum  og skera með beittum hníf þar sem þeir enda. Vöðvarnir kryddaðir með góðri kryddblöndu ekki þó of saltri. Kjúklinga­krydd­blanda frá Prima er t.d. mjög góð.  Kjötið sett í plastpoka í kæli og geymt í minnst ½ sólarhring. Kjötið grillað á útigrilli eða í ofni  í stuttan tíma þar sem bitarnir eru ekki mjög stórir.
Meðlæti eru soðnar kartöflur og sósa.

Pipar-rjóma-sveppasósa:
1 pk. Flúðasveppir skornir og steiktir á pönnu. ½ ltr. rjómi hitaður í pott við vægan hita. Piparostur 1 pk. bræddur í rjómanum. Sveppunum bætt út í.
Eftirréttur er ís eins og finnst í frystinum hjá Gunnari í Árborg.

-------------------------------------------------------

Ég skora á Sigurð Kárason þúsundþjalasmið í Öxl að snara fram eitthvað gómsætt í næsta blað. Ég veit að hann er liðtækur í eldhúsinu og gerir góða hamborgara.

Ólafur Jónsson Eystra-Geldingaholti er sunnlenski matgæðingurinn þessa vikuna.

Ég þakka Elínu Magnús-dóttur fyrir að trúa mér fyrir jólauppskriftinni í ár. Ætla samt ekki að uppljóstra mínum bestu réttum að svo stöddu.
Gef hér uppskrift af pottrétti sem hentar á milli hátíða-réttanna.
Að sjáfsögðu byrjar maður á því að þvo sér hendurnar áður en maður hefur eldamennsku og setur jafnvel upp elda-mennskuhanska!

Lambakjötspottréttur Óla
1 kg lambakjöt
4 matsk olía.
Vatn (200 – 300 ml)
2 laukar
2 hvítlauksrif
Tómatkraftur (lítil dós tómatpure eða 2 matsk tómatssósa)
4 gulrætur
1 matsk paprikuduft
½ tsk kúmen
1 tsk basil
Kjötkraftur (2 tsk Oskar kjötkraftur eða 1 kjötkraftsteningur)
1 fersk paprika
1 – 2 stk. salt
Pipar
2 dl rjómi

Skerið kjötið í litla bita. Saxið laukinn og hvítlaukinn.  Steikið kjötið og laukinn  í olíunni. Þegar kjötið og lauk-urinn er orðinn fallega brúnn er vatninu bætt útí.  Bætið við niðurskornum gulrótum, tómat-krafti, paprikudufti, papriku, kúmeni, basil, kjöt-krafti, salti og pipar.
Látið sjóða í um það bil klukkutíma.  Fylgist með pottinum, bætið við vatni ef þarf.  Smakkið og bætið við þvi kryddi sem ykkur finnst mega vera meira af.   Rétt áður en rétturinn er borinn fram er rjómanum bætt við.

Eftirréttur
Vanilluskyr-réttur
Byrjið á að mylja einn pakka Homeblest súkkulaðikexi (minni gerðina), bræðið smjör ca. 50 gr. Hellið muldu kexinu ofan í pottinn og hrærið í. Smyrjið þessu í botn á formi. Þeytið 1/2 ltr. rjóma og hrærið saman við 500g af vanilluskyri og smyrjið yfir kexbotninn. Skreytt með bláberjasultu ef vill.
-------------------------------------------------------------

Ég skora á frænda minn Daða Viðar Loftsson, í Birkikinn að koma með næstu uppskrift í blaðið.
Gleðileg jól!

Elína Magnúsdóttir á Brúnastöðum er sunnlenski matgæðingurinn þessa vikuna.
Vil þakka Jóa frænda fyrir traustið og hlý orð í minn garð. Ætla að deila með ykkur mjög einföldum rétti sem stendur alltaf fyrir sínu. Gott er að nota það sem til er í skápunum, magn fer eftir smekk og hvað margir mæta í mat.

Sveitasteik
Súpukjötsbitar
Laukur
Gulrætur, kartöflur ofl
Salt og pipar
Lambakrydd frá Pottagöldrum
Fetaostur
Smá vatn

Hitið ofnin í 125g ráður, velkryddað kjötið sett í ofnfat ásamt rétt botnfylli af vatni og niðursneiddum lauk. Látið malla í 2 klst. Skerið grænmetið í bita og setjið í ofnfatið, fetaostinum dreift yfir allt saman. Hitinn hækkaður í 165 gráður og eldað í 30 mín til viðbótar. Borið fram með íslensku smjöri.

Þessi eftirréttur er mjög fljótlegur ef óvænt ber að garði góða gesti.

Peruréttur Ömmu Bjargar

1 dós niðursoðnar perur
After Eigth súkkulaði
2 egg
100 gr sykur
75 gr kókosmjöl
2 msk. hveiti
1 tsk. lyftiduft

Perurnar skornar í bita og settar í vel smurt eldfast form. Súkkulaðinu raðað yfir. Eggjum, sykri, kókosmjöli, hveiti og lyftidufti blandað vel saman í skál, hellt síðan yfir perurnar og súkkulaðið. Bakað í ofni í 20-25 mín við 175 gráður.
Bragðast best heitt með þeyttum rjóma eða ís og nýlöguðu kaffi.
----------------------------------------------------------------------------------------------------

Ég skora á formann trússarafélagsins, Ólaf í Geldingaholti, Óla trúss, að malla handa okkur í næsta blaði. Hann töfrar fram, á hverju hausti, góðan mat í kalda og svanga fjallmenn.
Hann býr til, tildæmis, ótrúlega gott heitt kakó, velbragðbætt;)

Jóhann Árnason er sunn­­lenski mat­­gæð­ing­urinn þessa vikuna.

Ég vil byrja á að þakka stöðvarstjóranum fyrir áskor­unina. Að sjálfsögðu skorast ég ekki undan þó ég sé, líkt og Langsstaðabóndinn, ekki sá liprasti við pottana þó ég leyni nú á mér.

Grilluð hrossalund
fyrir 4 til 6

Ein tveggja kílóa hrossalund
Kryddið lundina með, kød og grill, season all,  salti og pipar eftir smekk. Setjið lundina á grillið og veltið henni reglulega þar til kjötið nær 50° í miðju, þá er kjötið tilbúið.

Sósa
Mæli ég með tveimur bréfum af Toro Bearnaise sósu (sjá aðferðarlýsingu aftan á pakkanum).

Meðlæti
Vefjið 10 til 12 kartöflum inn í álpappír og grillið í 20 mínútur á hvorri hlið (fer eftir stærð).

Einnig er hægt að hafa blandað salat með fyrir þá sem vilja og drykki að eigin vali.

Eftirréttur
Vanilluís að eigin vali með Cocktailávöxtum.

Verði ykkur að góðu.

-----------------------------------------------------------------

Ég skora á frænku mína og húsfreyjuna á Brúnastöðum hana Elínu Magnúsdóttur að kokka fram dýrindis rétt eins og henni einni er lagið.

Einar Hjálmarsson á Langs­stöðum  í Flóahreppi er sunn­­lenski mat­­gæð­ing­urinn þessa vikuna.

Ég vil þakka hinni miklu aflakló Þórarni Pálssyni fyrir þessa áskorun.  Skorast ég ekki undan henni þó hæfileikar mínir í eldhúsinu séu af skorn­um skammti.  Dó ég nú samt ekki ráðalaus og að sjálfsögðu er aðalhráefnið frá Sláturfélagi Suðurlands og Langsstöðum. 

SS lambalæri ættað frá Langsstöðum.
Með piparostasveppasósu og steiktum kartöflum.

Hráefni
3 kg lambalæri
8 stk. meðalstórar karöflur
1 stk.  sæt kartöfla
1 stk. rauðlaukur
1 stk. piparostur
1 box Flúðasveppir
½ lítri rjóma
100 gr. smjör
1 teningur kjötkraftur
Kryddblanda (svartur pipar, salt, rósmarín og hvítlauks­duft).

Aðferð
Takið lærið úr frysti og látið þiðna yfir nótt.  Kryddið með kryddblöndunni og pakkið inn í álpappír og plastpoka.  Gott að láta standa í ísskáp í 3-5 daga.
Takið lærið út deginum áður og látið standa í stofuhita.  Setjið ofninn á 200 gráður og steikið í c.a. 25 mín. Lækkið í 110 gráður og látið steikjast í 2 tíma.
Kartöflur
Skrælið kartöflurnar og laukinn og skerið í meðalstóra bita.  Kryddið með svörtum pipar og salti, hellið olíu yfir og blandið vel. Steikjið í 180 gráðu ofni í c.a. 25 mín.
Sósa
Skerið sveppina í bita og steikið upp úr smjöri. Rífið ostinn niður, setjið í pott.  Hafið lítinn hita, hellið í hluta af rjómanum og hrærið í þar til osturinn hefur bráðnað.  Þá bætið þið restinni af rjómanum og þá eru sveppirnir settir út í ásamt kjötteningnum.
Meðlætinu og vökvanum ráðið þið sjálf. 
Gjörið svo vel og verði ykkur að góðu.

-------------------------------------------------------

Það er hin laghenti smiður og Tottenhamaðdáandi nr. 1 sem fær áskorunina þessa vikuna, á ég þá að sjálfsögðu við Jóhann Árnason ættaðan frá Oddgeirshólum.  Ég hef mikla trú á að Jói komi okkur verulega á óvart í næstu viku.

Þórarinn Pálsson er sunn­­lenski mat­­gæð­ing­urinn þessa vikuna.

Já, ég þakka Jóhanni  félaga fyrir þessa áskorun. Ég var nú frekar hissa þegar ég las greinina og sá að kappinn hafði kjúkling, en svona er sprett­urinn, kemur sífellt á óvart.
Ég er hér með ramm íslenskan rétt, mjög einfaldur og bragðgóður.

Hann kallast nætursaltaður þorskur.

1 kg ný þorksflök
Gróft salt (Kötlu)
Þorskflökin eru söltuð og geymd í kæli í 12-24 tíma. Saltmagnið fer eftir smekk en mér finnst  best að hafa það þannig, að þegar maður heldur að það sé komið nóg þá saltar maður aðeins meira. Flökin eru svo rétt skoluð, skorin í bita og soðin í 5-10 mín. Þetta er borið fram með soðnum kartöflum, vel heitri hamsatólg, flat­kökum, rúgbrauði og smjöri. Eftiréttur er óþarfur eftir svona máltíð, nema kannski eitthvað til að svala þorstanum sem kemur þegar líður á daginn.
Verði ykkur að góðu.

------------------------------------------------------------------------------------

Það er hraustmenni mikið sem ég sendi áskorunina á. Hann er stöðvarstjóri hjá SS, búsettur  á Langsstöðum  í Flóahreppi og heitir Einar Hjálmarsson. Ef ég þekki piltinn rétt þá kemur hann með eitthvað kraftmikið og seiðandi.

Jóhann Ingi Pétursson er sunnlenski matgæðingurinn þessa vikuna.

Ég vil byrja á að þakka vini mínum honum Sigurjóni Valgeiri fyrir áskorunina, og nú bíð ég spenntur eftir að komast í matarboð til hans. ☺

Ég ætla að bjóða uppá kjúklingarétt  sem hefur verið í uppáhaldi hjá mér í mörg ár og er alltaf jafn góður en uppskriftin er einföld og fljótleg en hún hljóðar svona:

Kjöt af tveimur grilluðum kjúklingum
500 gr af  spergilkáli, soðið í saltvatni
Sósa:
1 dós af Campbells súpu Cream of mushroooms
1 bolli mayones
1 tsk. karrý
1 stk. súpukraftur
1-2 msk  sítrónusafi

Spergilkálið sett í botninn á eldföstu móti, kjötinu  dreift yfir, sósunni hellt yfir og að lokum ostur yfir allt.  Hitað í ofni við í ca 20-30 mín. Við 180-200.
Borið fram með hrísgjrónum, salati og  brauði
Annars verð ég að  segja að uppáhaldsmaturinn minn er saltað hrossakjöt það er ekkert sem toppar það,  ég mæli með hrossakjötinu frá Krás.   Það er sett í pott og soðið í 2 tíma, borið fram með kartöflum ræktuðum á Eyrarbakka og  fullt af smjöri sem  má alls ekki spara í þessu tilfelli,   Þetta er máltíð sem alltaf slær í gegn,  verði ykkur að góðu.

-------------------------------------------------------------

Ég ætla að skora á vin minn og félaga til margra ára sjómanninn og  mikinn matgæðing Þórarin Pálsson  en hann klikkar ekki á því kappinn þegar hann fer af stað í eldamennskunni og  ég veit  að hann grillar góðar gæsabringur og kannski lumar hann á einhverju fleiru girnilegu og að sjálfsögðu bíð ég eftir kalli í matarboð til hans líka.

Sigurjón V. Hafsteinsson er sunn­­lenski mat­­gæð­ing­urinn þessa vikuna.

Ég vil byrja á að þakka Birgi fyrir þessa ljómandi áskorun og hrósa folaldinu sem hann gaf uppskrift að í síðasta blaði, þar sem ég hef verið þess heiðurs aðnjótandi nokkrum sinnum að bragða á því. Þessa vikuna verð ég með uppskrift að annars konar ferfætlingi í boði en það eru svínarif sem ég mæli hiklaust með að allir prófi.

4 heil svínarif
2 Hunts BBQ flöskur –
1 Original og
1 af annarri gerð
1 lítill bjór
Smá tómatsósa
5 hvítlauksrif
Hvítlaukspipar
Salt

Mér þykir best að fara í kjötvinnslu og fá mín rif þar, því þau eru kjötmikil og girnileg. Næsta skref er að búa til sósuna, en þá blandar maður saman BBQ sósunni, bjórnum, smá tómatsósu og hvítlauks­rifjunum sem maður er búinn að saxa smátt. Næst tekur maður svínarifin og létt brúnar þau, annað hvort á pönnu eða grilli og kryddar með hvít­laukspiparnum og salti. Að lokum setur maður rifin í eldfast mót eða steikarapott og hellir sósunni yfir og þekur rifin, skellir þessu inn í bakarofn við c.a. 200°C í um 2 klst eða þangað til kjötið er orðið mjúkt og farið að losna frá beinunum. Sem meðlæti er gott að borða franskar kartöflur og að sjálfsögðu kokteilsósu. Einnig er gott að taka sósuna sem rifin voru elduð í og hafa með sem smá auka sósu og renna þessu niður með ísköldum bjór. Þar sem þessi máltíð er svo matarmikil er óþarfi að vera með forrétt eða eftirrétt, nema kannski annan bjór.

--------------------------------------------------------

Mig langar síðan að skora á góðan vin minn til margra ára, sveitamann mikinn og þekktur undir nafninu Spretturinn. Þetta er hann Jóhann Ingi Pétursson og ég veit að hann kemur með eitthvað ljúffengt hér í næstu viku.

Birgir Aðalbjarnarson er sunn­­lenski mat­­gæð­ing­urinn þessa vikuna.

Ég vil byrja á að þakka fyrir þessa ágætu áskorun frá Aðstoðar-Einari. Við höfum oft staðið saman við grillið þegar fólk kemur saman og oftar en ekki hefur útkoman verið matgæðingsleg.
Þetta er tvenna sem ég er stundum með.
Mér hefur tekist vel upp með að grilla folald og marinera það úr blöndu sem ég hef dundað mér við að þróa undanfarin ár. Leyndarmálið á bakvið hana er að mæla ekkert sérstaklega í hana. Er um það bil svona:
Slatti af matarolíu, dass af Worchestersire sósu, hellingur af bbq sósu, eitthvað af hvítlauk, þurrkað rósmarín, chili krydd, pipar, salt, paprikuduft. Þessu er öllu hrært saman og folaldinu er svo velt upp úr þessu og látið standa í leginum í nokkra klukkutíma. Oft er heilmikill afgangur af sósunni þannig að ég nýti hana þannig að ég sný kjötinu bara sem oftast og pensla það þangað til skynsemin segir að nóg sé komið, eða sem er betra, sósan klárast. En það er yfirleitt um það leyti sem sósan klárast að kjötið er tilbúið. Það getur líka verið gott að miða við að grillunartíminn sé svona um það bil tíminn sem tekur að klára einn bjór meðfram því að grilla. Með þessu er svo gott að hafa sætar kartöflur inni í ofni kryddaðar með salti og pipar, smjöri og sesamfræjum. Hef þetta inni í ofni í svona  40 mín. Svo er kjötið bara það gott að það skiptir ekki máli hvaða sósa er borin fram með þessu, en oftast vel ég piparsósu. Svo náttúrulega kál úr garðinum með fetaosti.

Svo er það ísinn. Hann er einfaldur en svakalega góður.
4 eggjarauður
1 egg
170 gr sykur
½ líter rjómi
1 tsk vanilludropar
1 tsk vanillusykur
100 gr suðusúkkulaði

Eggið, eggjarauðurnar og sykurinn eru hrærð saman þangað til að blandan er orðin vel stíf og svo er vanillunni bætt við og hrært aðeins betur. Þá er rjóminn þeyttur  og súkkulaðið saxað og því svo blandað saman við eggja­blönduna varlega með sleikju. Þegar allt er orðið vel blandað er bara að finna gott box og setja blönduna þar í, henda í frysti og eftir sólarhring eða svo er kominn þessi líka dásamlegi ís.

----------------------------------------------------------------------------

Mig langar svo að skora á vin minn til margra ára, jarðfræðinginn og listamanninn Sigurjón V. Hafsteinsson að koma með eitthvað dúndur hér í næstu viku.

Einar Ottó Antonsson er sunn­­lenski mat­­gæð­ing­urinn þessa vikuna.

Ég vil þakka Erlu tengdó fyrir að skora á mig. Hún kann sitt fag í matargerð og ég býð mér oft í mat til hennar.  Ég er mjög hissa á að hafa ekki fengið kallið fyrr.
Ég ætla að fá að setja inn mjög einfalda og þægilega uppskrift sem getur ekki klikkað. Sykursaltaður svínahryggur með rauðvínssósu og brúnum kartöflum. Þessi réttur hentar mjög svo vel þegar gera á vel við sig í mat og drykk eða bara á þriðjudögum. Það er nefnilega komið árið 2012.

Krásar hryggur
1 stk sykursaltaður Svínahryggur úr Krás
Hellingur af mexíkanskri kryddblöndu úr Krás

Aðferð
Stráið kryddblöndunni yfir hrygginn þannig að hún hylji hann allan. Eldið hrygginn í ofni við 130-150 gráður. Notið kjötmæli, eldið þangað til hitinn í miðjunni er kominn í 70 gráður. Takið hrygginn út og látið standa í 10 mín. áður en hann er borinn fram.
Meðlæti
Sjóðið slatta af kartöflum og skrælið. Bræðið sykur í pott og bætið smjörklípu útí. Bætið kartöflunum úti og blandið við gumsið.

Rauðvínssósa
200 g smjör (við stofuhita)
1 dl rauðvín
4 stk. skalotlaukar
1 1/4 dl rjómi
Salt og pipar
Steikið laukinn við vægan hita. Hellið rauðvíninu yfir og látið sjóða niður. Bætið rjómanum út í og látið suðuna koma upp. Smakkið til með salti og pipar. Takið pottinn af hellunni og hrærið smjörinu út í rétt áður en borin er fram.

----------------------------------------------------------------------------------

Mig langar að skora á kollega minn og vin Birgi Aðalbjarnarson á Selfossi að deila einni góðri uppskrift með lesendum blaðsins.

Erla Þorsteinsdóttir er sunn­­lenski mat­­gæð­ing­urinn þessa vikuna.

Ég þakka fögur orð í minn garð, en málið er að þegar mannskapurinn kemur heim að kveldi eftir langan dag á skíðum...þá bragðast allt vel. Skemmtilegur félagsskapur getur jafnvel aukið enn á hamingjuna. Mitt innlegg í þessa gæðingakeppni er flamberuð piparsteik, en steik af þessu tagi eldar maður eingöngu fyrir bestu vini sína. Piparinn og koníakið setja punktinn yfir i-ið.

Flamberuð piparsteik fyrir fjóra
1 lund  (eða u.þ.b. 1 kg lund)
4 tsk pipar
Smjör
Salt
Uþb. ½ dl. koníak
2 dl rjómi
Teningur eða kraftur

Byrjað er á að nudda gróf­möluðum pipar á sneiðarnar, þær síðan þurrsteiktar snöggt á pönnu, smjörinu bætt á pönnuna og kjötið steikt eftir ósk hvers og eins „lítið, vel eða mjög vel“.  Nú skal saltað.  Það næsta sem við gjörum er að hella volgu koníakinu yfir kjötið á pönnunni og kveikja í því. Hentugt er að hafa pönnuna hvorki staðsetta undir háfnum né nærri augnabrúnum þegar sú athöfn fer fram. Næst leggjum við sneiðarnar yfir á heitt fat, bætum rjóma og krafti út í það sem á pönnunni er og látum það sjóða aðeins niður eða þar til sósan er hæfilega þykk, hellið sósunni yfir kjötið.

Meðlæti: Brytjum niður í eldfast mót, eina sæta kartöflu, 4 rauðlauka, nokkrar gulrætur og hellum að lokum ½-1 glasi af Léttfeta í kryddolíu yfir, bakað við 200° í 30-40 mín.
Rifsberjasulta.

Eftirrétturinn gæti verið á írskum nótum að hætti Gumma.

--------------------------------------------------------------------------------

Mig langar að skora á tengdason minn á Selfossi, Einar Ottó Antonsson,  matgæðing og heimilisfræðikennara með meiru. Hann er alltaf til í að taka þátt í tilraunum
þegar matur er annars vegar.

Guðmundur Árnason söðla­smiður er sunn­­lenski mat­­gæð­ing­urinn þessa vikuna.
Langar til að þakka meistara Gunnari Braga stórskyttu þessa áskorun.
Langar að deila með ykkur uppskrift af yndælis fiskisúpu frá Láru vinkonu minni að Westan. Þetta er matarmikil súpa og alveg kjörin þegar á að svindla aðeins á heilsufæðinu.

Sjávarréttasúpa
f. ca 6
175 gr.     smjörlíki/smjör
70 gr.    tómatpúrra
2 msk.     paprikuduft
1/4    púrrulaukur, brytjaður frekar smátt
6 stk.    hvítlauksgeirar, pressaðir
Þetta látið krauma saman í smá stund.

1 ½ dl    hveiti hrærist saman við
1 ½ ltr.    vatn bætt útí
6 stk.    fiskiteningar
½ ltr.    rjómi
Þetta látið malla smá stund og jafnvel pipra aðeins eftir smekk.
Síðan er skellt útí þetta fiskmeti að eigin vali, humar, rækjur, ýsa ofl og látið sjóða með í smá stund.
Þetta er t.d. borið fram með heitu smábrauði með íslensku smjöri og þeyttum rjóma. Jafnvel skreytt með steinselju spari.

Verði ykkur að góðu.

-----------------------------------------------

Mig langar að skora á húsfrúna á Skíðastöðum og Laxabakka, Erlu Þorsteinsdóttur. Hún er algjör meistari í stórsteikum og eldar bestu piparsteik í heimi. Efa ég ekki að hún á eitthvað uppi í erminni til að deila með okkur.

Gunnar Bragi Þorsteinsson á Selfossi er sunn­­lenski mat­­gæð­ing­urinn þessa vikuna.
Ég vil þakka Sigurði Þór fyrir þessa áskorun, ég ákvað að velja í þetta ævintýri hráefni úr nágrenninu, ferskt og ný flogið í kistuna.

Reyktar gæsabringur í forrétt
Uppskrift fyrir 6
2 gæsabringur
Maldon salt
Svartur pipar
Rifsber
Reyk spænir, fæst í veiðibúðinni hjá Gústa Mort.
Bringurnar hreinsaðar, kryddað með smá salti og svörtum pipar.
Þeir sem ekki eiga lítinn reykofn nota bara gasgrill. Saginu og spæni dreyft í botninn á álbakka ef nota á grill annars í reykhofninn.
Grillið stillt á meiri ferðina og álbakkanum með spæninum komið fyrir á neðri grindinni, þegar spænirinn hefur hitnað vel má setja bringurnar í 8 mín. óvissuferð á  efri grindina. 8 mín. óvissuferð = grill í 8 mín, tekið  af grillinu í 8 mín, og svo aftur á grillið í 8 mín. 
Þeir sem vilja ekki sjá rautt geta haft það aðeins lengur, mæli frekar með að dimma ljósin.
Það borgar sig að láta bringurnar standa í 10 mín áður enn þær eru skornar í þunnar sneiðar. Alveg eins gott kalt í forrétt.
Borið fram með Piparrótar sósu og rifsberjum úr garði nágrannans.

Piparrótarsósa.
1 dl sýrður rjómi
1 dl majónes
Safi úr hálfri sítrónu
2 tsk hunang
1 og hálf msk piparrótarmauk
Smá salt

Ævintýralegin gæs með grískri söðlasmíðasósu.
Uppskrift fyrir 6-8.
4 gæsabringur
1 búnt af myntu
1 búnt af ferskri steinselju.
Safi úr 2 sítrónum
200 ml olía af betri gerðinni.
Maldon salt
Svartur pipar

2 sætar kartöflur
1 sellery rót
4 gulrætur
Gríska söðlasmíðan sósan steinliggur svo með þessu.
1 dós af grískri jógúrt
1 dós af bláberjasultu.
Hrært saman eins og vindurinn.
Myntan og steinseljan söxuð smátt, blandað saman í skál með Olivuolíu og sítrónusafa.
Bringurnar fá aðeins að smakka salt og pipar, og er svo smellt í skálina með myntunni og steinseljunni. Fínt að láta þetta marinerast einn dag, má vera sólarhringur. Þá er kominn nett Mojitos stemmning í ísskápinn.
Bringurnar eru svo teknar úr leginum og strokið af þeim, má grilla á miklum hita í stutta stund. 5 mín á hvorri hlið.
Eða taka ofninn í 8 mín aðferðina á þetta.
Ofnin á 150 gráður. Inn í ofn  8 mín, tekið út í 8 mín, og svo aftur inn í 8 mín.
Láta standa í 10 mín áður enn þær eru skornar í þunnar sneiðar. Grand að raða þessu á disk með klettasalati og ferkum bláberjum.

Gott er að hafa með þessu ofnbakaðar sætar karftöflur skornar í tenginga með sellery rót og gullrótum.
Haft í 50 mín í ofni með olíuskvettu yfir.
Á eftir svona gæsaævintýri er nauðsynlegt að fá sér aðeins léttann eftirrétt.

Rabbabara réttur DBÓ.
Nokkrir rabbabarar úr garð­inum c.a ½ kg skornir í bita og dreift í eldfast mót.
100g karamellufyllt súkku­laði
1dl sykur
Rabbabarinn skorinn í bita og dreift í eldfast mót, sykri og súkkulaði dreift yfir.

Deig
2 dl hveiti
1 dl sykur
100g smjör
Hnoðið saman og deiginu svo dreift yfir rabbabarann.
Bakað við 180 gráður í 25 mín, Vanillu ísinn frá Kjörís steinliggur með þessu.

Góða skemmtun og verði ykkur að góðu.

----------------------------------------------------------------------------------------------------------

Ég vil svo skora á Guðmund Árnason söðlasmið og sósugerðar meistara að gramsa fram eitthvað görótt gourmé handa lesendum í næstu viku.

Sigurður Þór Sigurðsson á Selfossi er sunn­­lenski mat­­gæð­ing­urinn þessa vikuna.

Ég vil byrja nú á því að þakka Dagskránni og Guð­mundi bróður mínum fyrir áskorunina og það frábæra tækifæri sem mér er hér veitt. Ég reikna fastlega með að Gúndi sé að fiska eftir gæsa­uppskriftinni sem ég eldaði eftir í síðasta veiðitúr handa honum og góðum félögum okkar nú fyrir helgina, en henni ætla ég að halda aðeins lengur fyrir sjálfan mig. Í stað þess legg ég hér fram uppskrift að frábærum laxarétti sem ég hef margsinnis eldað handa mér og mínum á undanförnum árum. Hún fylgir hér í viðhengi.

Pönnulax í ofni
Uppskrift fyrir 6.
2 stk. laxaflök af  7,5 punda flugulaxi
1 msk. hvítlauksolía
55 gr. smjör
4 tsk. Dijon/hunangssinnep.
4 tsk. rautt pesto
1 msk. sítrónupipar
4-8 sneiðar sólþurkaður tómatur.
1 stk. laukur
1 stk rauð paprika
1 stk. gul paprika

Snyrtið laxaflökin og beinhreinsið. Bræðið smjörið á pönnu og látið olíuna út í. Steikið laxinn þar til hann fer aðeins að brúnast (roðið upp - ca. 4 mínútur). Smyrjið eldfast mót með hvítlauksolíu og leggið flökin í  (með roðið niður). Kryddið flökin með sítrónupiparnum og látið bíða í ca. 10 mínútur. Smyrjið sinnepinu og pestóinu á flökin.
Steikið laukinn og paprikuna aðeins á pönnunnunni úr rest­inni af smjörinu og olíunni og dreifið meðfram flökunum í eldfasta mótinu (ásamt öllu sem eftir er af feiti á pönnunni).
Dreifið tómatsneiðunum (má skera í minni bita) yfir fiskinn og meðfram honum.
Bakið í ofni við ca. 200 C° þar til fiskurinn er full soðinn, ca. 15 mínútur.
Borið fram með nýjum soðnum kartöflum, fersku grænmeti og léttri fiskisósu ef vill.
Gott að drekka með þessu millisætt hvítvín s.s. hið franska Arthur Metz Pinot Gris
Athugið að einnig er ágætt að nota þessa sömu uppskrift við að grilla laxaflökin, en þá er smjörinu sleppt. Við grillun er best að nota 2 stk. grill­­bakka sem smurðir eru með hvítlauksolíu. Fyrst er annar bakkinn lagður á heitt grillið og laxinn lagður þar ofan á og grillaður þar til hann fer örlítið að brúnast. Þá er hinn bakkinn lagður á hvolf ofan á og öllu klabbinu snúið mjög snöggt þannig að roðið snúi þá niður í grillið og eldun lokið þannig. Með þessu er borið fram grillaðar kartöfluskífur og ferskt grænmeti.

------------------------------------------------------------------------------------------------------

Ég skora svo á Gunnar Braga Þorsteinsson TRS forstjóra til að koma með uppskrift í næstu Dagskrá, en Gunni er meistarakokkur og óhræddur við að takast á nýjungar í eldamennskunni, ekki síst í villibráðinni.

Guðmundur Sigurðsson á Selfossi er sunn­­lenski mat­­gæð­ing­urinn þessa vikuna.
Takk, Grímur fyrir boðið og hrósið sem ég fékk frá þér. Það var svo sannarlega verð­skuldað. Ég prófaði upp­skriftina þína í gær. Alger snilld… með sultu, eggi og hrásalati. Hér kemur mín:

Kjúklingaréttur trésmiðsins (fyrir ca. 4)
1 kjúklingur
1 epli
1 stór laukur
1 gul paprika
1 bakki sveppir
1 hvítlaukur
blómkál
gulrætur
1 dós saxaðir tómatar
1 dós tómatkraftur
1 dós ananasbitar

Búta kjúklinginn sundur; bringa, læri, vængir og bak (öll bein með). Brúnað á pönnu í góðri olíu, vel kryddað með kjúklingakryddi og karrí. Sett í stóran pott. Hvítlauksrifin brytjuð gróft, laukur, paprika, blómkál, gulrætur og sveppir líka brytjað gróft. Allt „svissað“ á pönnunni og kryddað á sama hátt. Bætið svo í vatni, söxuðum tómötum og tómatkrafti. Hellið þessu svo yfir kjúklingabitana í pottinum og látið malla í ca. 35-40 mín. Ef rétt er kryddað á pönnunni þarf ekkert að bæta í. Ef ekki, bæti ég úr með súputeningi. Þetta er svo borið fram eins og íslensk kjötsúpa, þ.e. djúpur og grunnur diskur saman og tilheyrandi áhöld.

Á eftir finnst mér best og einfaldast að koma með niðursoðna blandaða ávexti, ís og rjóma. Það hefur enginn kvartað undan þeim eftirrétti skal ég segja ykkur.

---------------------------------------------------------

Ég skora á Sigurð Þór bróður minn að koma með næstu tillögu. Í okkar árlegu veiðiferðum hefur ekki brugðist að hann hefur töfrað fram dásamlega rétti sem halda okkur félögunum vakandi langt fram eftir nóttu.

Grímur Jónsson á Selfossi er sunn­­lenski mat­­gæð­ing­urinn þessa vikuna.
Ég þakka Kristjáni vini mínum fyrir traustið, en ég held það sé eitthvað að förlast minnið hjá honum.  Þau skipti sem við höfum borðað saman hafa kokkarnir á viðkomandi veitingahúsi séð um eldamennskuna.
En ég skorast ekki undan ábyrgð og kem hér með uppskrift sem ég get  sjálfur eldað.


Rónasteikin
½ kornbrauð frá Guðnabakarí
300 gr. kjötfars frá SS
Smjörlíki eða olía á pönnuna.

Byrja á því að draga fram pönnuna,  setja á fullan straum
Setja smjörlíki/olíu á pönnuna.
Á meðan beðið er eftir því að pannan hitni, smyr maður brauðið með kjötfarsi beggja megin.
Að lokum er brauðið steikt í 2 mín. á hvorri hlið eða þar til það er orðið fallega brúnt.

Gott er að bera fram með rabarbarasultu eða tómatsósu.
Ef maður vill gera virkilega vel við sig má bæta  við  spældu eggi og hrásalati.

Eftirréttur
Þar sem nú er berjatíminn í algleymingi og allir Sunn­lendingar búnir að tína bláber sting ég upp á bláberjum tíndum í Ingólfsfjalli og rjóma frá MBF ásamt  1 tsk. sykur.

Mig langar til að benda fólki á að þetta er virkilega ódýr máltíð  og sunnlenskt hráefni.

-----------------------------------------------------------------------------------------------------------------

Ég skora á vin minn Guðmund Sigurðsson á Selfossi sem ég hef oft borðað hjá og veit að hann er frábær kokkur.  Ég er viss um að Gúndi getur töfrað fram snilldarrétt.

Kristján Pétursson, Kanada­búi er sunn­­lenski mat­­gæð­ing­urinn þessa vikuna.
Ég verð við ósk Hrefnu Magnúsdóttur að uppljóstra nokkrum uppskriftum úr kokkabókinni minni. Hér í Kanada er matarmenningin svo alþjóðleg að það er erfitt að finna eitthvað sem flokkast undir Kanadíska matargerð enda eru hér allir innflytjendur en ég læt eitthvað fylgja með.

Graflax
Laxaflak
1 hluti sykur
½ hluti salt
Dill
Fennel
Laukur
Stráið sykrinum og saltinu yfir flakið og þekja með dilli, bæta svolitlu af fennel og síðan lauk sneiðar yfir. Pakka inn í plast eða álpappír, geyma í ísskáp í 2 daga. Taka laukinn af áður en laxinn er borinn fram.

Graflaxsósa
1 hluti SS sinnep
1 hluti Honey sinnep
1 hluti Dijon sinnep
1 hluti púðursykur
Dill, Canola olía, hveiti og hunang eftir þörfum
Öllu hrært saman og látið standa í ísskápnum í 2 daga

Kjúklingaréttur fyrir 6 manns
Kjúklingabringur eða bitar (ein bringa á mann)
1 flaska barbecue sósa
1 krukka apríkósusulta
½ dl sojasósa
1 peli rjómi
100 g púðursykur
50 gr smjör
Bræðið smjörið í potti og síðan allt efni nema kjúkling­urinn settur út í og hrært saman. Kjúklingurinn settur í stórt eldfast mót og sósan sett yfir. Sett í ofn og bakað við 180°C í 1 klst. Borið fram með hrís­grjónum, salati og brauði.


Skúffukaka fyrir Hrefnu vinkonu
250 g hveiti
300 g sykur
120 g smjörlíki
3 egg
½ tsk. matarsódi
1 tsk. lyftiduft
3 msk. kakó
½ tsk. salt
2-2 ½  dl mjólk
Hrærið sykrinum og smjörlíkinu saman, bætið síðan öllu hinu út í nema mjólkinni síðast. Bakið í 20 mín á 180°C í ofninum.

Krem
250 g smjórlíki
3 msk. flórsykur
3 Caramel súkkulaðistykki
Bræðið súkkulaðið og hrærið síðan öllu saman. Látið kólna áður en því er hellt yfir kökuna.

Poutine: Einn Kanadískur réttur af veitingastað (merki­lega vinsæll)
Franskar kartöflur, hella Gravy-sósu yfir og setja rifinn Mozzarellaost ofan á.

Gravy sósa: Kalt vatn í pott, 1 teskeið pipar og hvítlauk, látið sjóða. Í öðrum potti er búin til hveitibolla: Bræðið ½ bolla smjörlíki, 2 bollar hveiti, hitað upp þar til það límist saman, hella síðan úr fyrri pottinum í hveitibolluna þar til réttri þykkt er náð.

-------------------------------------------------------------------------

Ég skora á vin minn Grím Jónsson á Selfossi, sem er mikill matgæðingur að senda inn uppskrift í næsta blað. Ég hef fulla trú á því að hann lumi á einhverjum góðum uppskriftum.

Steinunn Hrefna Magnús­dóttir, leikskóla­kennari er sunn­­lenski mat­­gæð­ing­urinn þessa vikuna.
Ég vil þakka Sigurlínu Kristins­dóttur fyrir áskorunina.
Það kom bara ein góð máltíð upp í huga minn þegar ég fór að athuga hvaða uppskrift ég gæti komið með, hún er bæði einföld, góð og fljótleg.

Kínapottréttur
500 til 600 gr af mjúku beinlausu kinda/folaldakjöti eða hrossakjöti
Hálfur púrrulaukur eða hvítur laukur
6 til 10 stk. af sveppum
1 rauð paprika
1 til 2 hvítlauksrif
2 tsk. af tómatpurre
2 msk. af soya sósu
1 ferna af kaffirjóma

Byrjað á því að steikja lauk, sveppi, papriku og hvítlauk, þegar það er steikt er græmetið tekið af pönnunni og sett til hliðar. Kjötið steikt, gott að krydda með hvítlaukspipar eða pipar og salti. Þegar kjötið er steikt er græmetið látið saman við kjötið, þá er  tómatpurra og sojasósa sett yfir allt hrært saman og á endanum er kaffirjómanum hellt yfir. Ef sósan er þunn er gott að nota sósujafnara, látið malla í smá tíma.
Borið fram með hrísgrjónum, salati og brauði.

Það getur verið gaman að baka gott heimabakað brauð. Er með uppskrift af auðveldu og góðu bauði sem allir elska, það hefur ekki gengið vel hjá mér að baka brauð en þessi klikkar ekki og er þægileg því hún hefast inni í ísskáp

Brauð
1 bréf þurrger
600 gr hveiti
500 ml volgt vatn
2 tsk. salt

Allt sett saman í skál og hrært saman, filma látin yfir skálina og hún sett inn í ísskáp. Best er ef deigið fær að hefast í 7 tíma en það hefur gengið vel hjá mér líka eftir 2 tíma. Deigið tekið úr skál og sett á bökunar­pappír þannig að það verði ein stór bolla.

Fetaostur, rosmarin og maldon salt eða bara gróft salt sett yfir brauðbolluna, sett í ofn og bakað við 180 gráður í 40 til 50 mínútur.

Í eftirrétt hef ég síðan heimalagaðan ís sem er í miklu uppáhaldi hjá mínu heimilis­fólki.

Heimatilbúinn ís
4 eggjarauður
3/4 dl sykur
6 dl rjómi
100 gr suðusúkkulaði

Eggjarauður og sykur þeytt þar til það verður létt og ljós froða rjóminn þeyttur en ekki mjög stíft og honum blandað í eggjahræruna. Súkkulaðið brytj­­að gróft og sett varlega út í blönduna, sett í form og í frysti í 4 til 5 tíma, gott að taka ísinn 10 mín. fyrr úr frysti áður en hann er borinn fram.

--------------------------------------------------------------------------------------

Ég ætla að skora á vin minn hann Kristján Pétursson Kanadabúa að vera næsta matráð. Hann lumar á mörgum góðum uppskriftum og kannski á einhverju spennandi frá Kanada.

Sigurlína Kristinsdóttir er sunn­­lenski mat­­gæð­ing­urinn þessa vikuna.
Ég þakka Helenu Hermundar­dóttur fyrir áskorunina. Þegar ég settist niður við að ákveða hvað ég ætti að láta frá mér þá uppgötvaði ég að þó ég kenni heimilisfræði og eigi gríðalegt magn af uppskriftum þá fer ég sjaldann alveg eftir uppskrift og skálda oftast eða breyti  jafn­óðum . Eitt af því sem mér finnst skemmtilegt að matbúa eru súpur  og hér er ein með pasta þó auðveldlega væri hægt að breyta henni í kjúklingasúpu.

Pastasúpa
1 dós niðursoðnir tómatar
4-5 tómatar
Ca. 1 ltr. vatn
2-3 matskeiðar tómatpúrra
3-4 gulrætur
1 laukur
½ púrrulaukur
2-4 hvítlauksrif eða 1-2 tsk. hvítlauksmauk
1-2 paprikur
1-2 teningar grænmetiskraftur    eða kjúklingakraftur
Fersk basilika söxuð
1-2 tsk. karrý paste
Rjómaostur
Salt og pipar eða krydd eftir smekk
-----------
Pasta ca. 200-300 gr
Blómkál
Spergilkál
Þetta er allt soðið í klukkutíma. Á meðan má skera niður blómkál og spergilkál og sjóða pasta eftir leiðbeiningum, ég nota oftast slaufur. Ég mauka soðninguna með töfrasprota. Þá bæti ég kálinu útí og sýð í 5-8 mín. Í lokin bæti ég pastanu út í og smakka til súpuna.
Með súpunni er gott að hafa hvítlauksbrauðstangir

Brauðstangir með hvítlauk
7-8 dl hveiti
1 ½ tsk. salt
1 ½ tsk. sykur
4 msk. olía
3 dl volgt vatn

Allt sett í skál og hnoðað saman en fara sparlega með hveitið svo deigið verði ekki of stíft. Deigið er flatt út í sentimetra þykka köku og skorið í sentimeters breiðar ræmur. Raðað á plötu og smurt með hvítlauksolíu. Bakað við ca. 200°C í 10-15 mín. Brauðið er svo penslað aftur með olíunni þegar það er tekið út.

Hvítlauksolía.
½ dl olía
2-3 tsk. hvítlauksmauk
1 ½ tsk. hvítlaukssalt

Í lokin fylgir svo gömul uppskrift af köku frá mömmu sem er búin að fylgja mér frá því ég byrjaði að baka. Kakan var alltaf kölluð tyggjókaka, því hún er seig og vel sæt

Tyggjókaka
3 egg
300 gr. sykur
6 msk. vatn
150 gr. hveiti
1 ½ tsk. gerduft
Smjörkrem
150 gr. smjör
125 gr. flórsykur
1 stk. egg
1 msk. kakó
Egg og sykur þeytt vel saman. Þá er hveiti og gerdufti hrært varlega saman við með sleikju og í lokin er vatni hrært varlega saman við. Sett í tvö hringlaga kökuform og bakað við 170°c í 15- 20 mín. Kremið er svo þeytt vel og sett á milli botnanna og ofaná.

-------------------------------------

Ég ætla svo að skora á vinkonu mína á Selfossi, Steinunni Hrefnu Magnúsdóttur leikskólakennara, að vera næsta matgæðing, en ég veit að hún lumar á góðum uppskriftum.

Helena Hermundsdóttir í Friðheimum er sunn­­lenski mat­­gæð­ing­urinn þessa vikuna.
Þar sem mín góða vinkona Signý Guðmundsdóttir í Skál­holti skoraði á mig í síðasta blaði er best að kíkja í upp­skriftabækurnar. Þar er reyndar mest að finna köku­uppskriftir, þar sem ég er pínulítið eins og sænski kokkurinn í Prúðuleik­urunum þegar kemur að matargerð (svona eins og ég man eftir honum ;-) Oft nota ég það sem er til í ísskápnum í hvert skipti, og mælingar eru svona til og frá! En það sem er oft á boðstólum hér í Friðheimum er fiskréttur með tómötum og basiliku, pasta með túnfiski, tómötum og basiliku og því læt ég þessar uppskriftir fúslega af hendi, og svo einn desert eða kökuuppskrift í restina.

Fiskur í ofni með tómötum og basiliku
hvítur fiskur, t.d. ýsa eða þorskur
salt og pipar eftir smekk
tómatar, eftir smekk en konfek tómatar eru bestir!
fersk basilika
smjör
Fiskurinn lagður í ofnfast mót, kryddaður með salti og pipar. Konfek tómatar skornir í tvennt (og best að vera örlátur og nota marga!) og dreift yfir fiskinn. Basilika klippt niður og stráð yfir, smjör skorið í teninga og lagt hér og þar yfir fiskiréttinn. Svo er þetta sett í ofninn á ca 200°C og soðnar kartöflur eða hrísgrón. Með réttinum er einning mjög gott af hafa hvítlauksbrauð og góða salatblöndu frá Hveratúni með niðurskornum tómötum og papriku.

Pasta penne með túnfiski og tómatasalsa
penne pasta, soðið al dente
plómutómatar
ólífuolía
fersk basilika
hvítlaukur, magn eftir smekk
maldonsalt
túnfiskur í dós
Tómatarnir eru skornir gróft í teninga, lagðir í ofnfast mót og ólífuolíu hellt rausnarlega yfir. Hvítlaukur pressaður útí, saltað með maldonsalti  og basilika klippt fersk yfir. Bakað í ofni í ca 30 mínútur þar til tómatarnir eru maukaðir og ilmandi. Penne pasta soðið al dente, og þegar tómatarnir eru tilbúnir úr ofninum er þeim blandað við pastað, og borið fram með nýbökuðu brauði eða hvítlauksbrauði, og klettasalati með.

Rifsberjapæ með marens
Pæ: 3 ½ dl hveiti
4 msk flórsykur
150 g smjör
1 stór eggjarauða
1 msk vatn
Sett í matvinnsluvél og hrært í þétt deig. Pæformið klætt með deiginu og kælt í hálftíma. Svo er formið sett í ofninn og botninn bakaður við 200°C í 15-20 mínútur.

Ca 1 lítri af rifsberjum
3-5 msk sykur
1 tsk kartöflumjöl
Hrært saman og sett ofan í forbakaðan botninn.

Marens: 3 eggjahvítur
1 dl sykur,
Hrært saman  þar til marensinn er orðinn mátulega stífur, þá er hann smurður yfir berin, og svo er pæið bakað við 200°C í ca 15 mínútur eða þar til marensinn er orðinn fallega gylltur. Borið fram með ís eða þeyttum rjóma.
Að lokum er sósan svo smökkuð til, bætt við salti - hunangi - soya allt eftir því hvaða keimur á að vera á réttinum. Með þessu eru síðan borin fram hrísgrjón (gjarnan brún) og ofnbökuð snittubrauð. Rétturinn er ekki síðri upphitaður daginn eftir eins og hin íslenska kjötsúpa.
Ég vona að ykkur takist vel upp þegar þið prófið ykkur áfram með þessar uppskriftir og þróið ykkar eigin uppskrift út frá þessu - bætið í og takið úr eftir því sem bragðlaukum hugnast.

-----------------------------------------------------------------------------------

Svo skora ég á vinkonu mína með listagalleríið í Reykholti, hana Sigurlínu Kristinsdóttur, en hún gerir meira en að mála flottar hestamyndir, því hún kennir líka börnunum í sveitinni að bera sig að í eldhúsinu!

Signý B. Guðmundsdóttir er sunnlenski matgæð­ingurinn þessa vikuna.

Þakka Öglu fyrir áskorunina en hún er frábær kokkur og bakar dýrindis hnallþórur. Ég ætla að bjóða upp á rétti þar sem ég get nýtt  hráefni  frá mér eða grænmetisbændum úr nágrenninu. Aðalatriðið er „nýtt og ferskt“. Ég er eins og Agla ég mæli aldrei neitt,  hef þetta bara umþað bil.

Forréttur - grafinn lax
Flakið nýveiddan Hvítárlax og beinhreinsið.
Blandið öllum þurrefnum saman  og hyljið flakið og látið standa í ísskáp yfir nótt.
4 msk. salt
1 tsk. sykur
1 msk. fennikkuduft
1/2 búnt koríander
½ tsk. hvítur pipar
1 ferskt búnt af dilli

Borið fram með ristuðu brauði og graflaxsósu.

Aðalréttur - grillaður Hvítárlax
Flakið og beinhreinsið  nýveiddan lax og leggið á tvöfaldan álpappír, kryddið með salti og sítrónupipar.Pakkið fiskinum inn og grillið í nokkrar mín. allt eftir stærð  flaksins.
Laxinn ber ég fram með nýuppteknum kartöflum, Skálholtsblöndu salati frá Hveratúni, piparsósu eða annari sósu og kúskús-fylltum tómötum.

Kúskús fylltir tómatar
10 stórir og velþroskaðir tómatar, sker lok ofanaf þeim og tek innanúr þeim og set í skál. Tek 3 dl kúskús og fylgi leiðbeiningum á pakka. Blanda því sem ég tók innan úr tómötunum saman við kúskúsið og sítrónusafa. Fylli tómatana með þessu og skelli nokkrum fetaostbitum ofan á hvern tómat set inn í ofn á 180° í 20-25 mín.

Eftirréttur- frönsk súkkulaðikaka
175 gr. smjör
175 gr. suðusúkkulaði brætt saman í potti við vægan hita
180 gr. sykur
3 eggjarauður bætt út í pottinn og hrært
1 dl valhnetur brytjaðar
60 gr. hveiti
1 tsk. kaffiduft bætt út í pottinn og hrært. Stífþeyti eggjahvítur og blanda varlega saman við.
Baka  í 1 klst við 150°C.

Borin fram volg með hindberjarjóma.

----------------------------------------------------------

Ég skora á vinkonu mína Helenu Hermundardóttur frá Friðheimum að koma með einhverja af sínum góðum réttum.