Frumsýning á nýju íslensku leikriti í Sögusetrinu á Hvolsvelli
Þriðjudagur, 10. júlí 2012 08:18
Sunnudaginn 15. júlí verður frumsýndur í Sögusetrinu á Hvolsvelli nýr frumsaminn íslenskur einleikur, "Gestaboð Hallgerðar", eftir Hlín Agnarsdóttur. Titilhlutverkið leikur Elva Ósk Ólafsdóttir leikkona og aukahlutverk er leikið af Ómri Smára Jónssyni. "Gestaboð Hallgerðar" er byggt á ævi Hallgerðar langbrókar Höskuldsdóttur, eins og hún er rakin í Brennu-Njálssögu.
Verkið gerist í nútímanum
Hallgerður er listakona og býr að Hlíðarenda í Fljótshlíð og svo skemmtilega vill til að ævi hennar og lífshlaup er nánast spegilmynd af ævi Hallgerðar langbrókar Höskuldsdóttur sem þar bjó fyrir rúmum eitt þúsund árum. Gunnar eiginmaður hennar (sá þriðji í röðinni - fyrri eiginmenn hennar tveir eru fallnir í valinn) rekur menningartengda ferðaþjónustu á bænum og hefur boðið gestum í mat að konu sinni forspurðri - sjálfur er hann að heiman. Enginn matur er í bænum og sendir Hallgerður vinnumann sinn, Melkó, að afla vista. Á meðan gestirnir bíða eftir veitingunum skemmtir Hallgerður þeim með ævintýralegri frásögn af einkar skrautlegri ævi sinni.
Leikurinn verður sýndur í Söguskálanum í Sögusetrinu á Hvolsvelli eins lengi og aðsókn og áhugi leyfir. Verð 2.500 krónur. Verð fyrir hópa (10 eða fleiri) 2.000 krónur.
Allar frekari upplýsingar á http://www.njala.is/ og á Sögusetrinu í síma 487 8781 & 618 6143 (Sigurður). Miðapantanir í síma 487 8781 og á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
