Menning 
Listamannabærinn Hveragerði – sýngin um fyrstu árin
Listamannabærinn Hveragerði – sýngin um fyrstu árin
Fimmtudagur, 21. júní 2012 11:50
Sýningin „Listamannabærinn Hveragerði – fyrstu árin“ verður opnuð í verslunarmiðstöðinni Sunnumörk í Hveragerði föstudaginn 22. júní kl. 17:00 á Blóm í bæ. Sýningin er fyrsta sýning Listvinafélags Hveragerðis. Sýningin er hönnuð sem farandsýning með aðsetur fyrsta árið í verslunarmiðstöðinni Sunnumörk, nánar tiltekið fyrir framan Bókasafnið í Hveragerði, en hugmyndin er að sýningin fari síðan um landið á næstu árum. Sýningin er bæði á íslensku og ensku og þjónar því einnig hlutverki menningarfræðslu fyrir erlenda gesti.
Sýningarstjórn og hönnun er á höndum Guðrúnar A. Tryggvadóttur en hún hannaði einnig sýninguna „Hveragerði - vin skáldanna“ fyrir Félag eldri borgara í fyrra. "Mikill metnaður og áhugi er hjá félagsmönnum Listvinafélagsins að þróa sýninguna áfram og stækka í skrefum. Fleiri skáld, rithöfundar, myndlistarmenn og tónskáld munu verða hluti af sýningunni og fræðslugildi hennar aukið á ýmsa vegu, m.a. á vefnum www.listvinir.is sem nú er í þróun. Listamannabærinn Hveragerði iðar af lífi og list. Við hlökkum til að sjá ykkur við opnunina!
Stjórn Listvinafélags Hveragerðis.
