Framkvæmdir við nýja brú yfir Ölfusá við Selfoss hefjast eftir tvö ár, eða tvö þúsund og fjórtán en ekki tvö þúsund og átján eins og gert var ráð fyrir samkvæmt samgönguáætlun. Um milljarða framkvæmd er að ræða sem mun skapa fjölmörg störf.

Alþingi samþykkti í vor við endurskoðun samgönguáætlunar að flýta framkvæmdum við nýja Ölfusárbrú við Selfossi, eða að færa verkið fram um fjögur ár, frá 2018 til 2014. Björgvin G. Sigurðsson, fyrsti þingmaður Suðurkjördæmis staðfestir þetta við DFS og segir að mikil samstaða hafi verið á meðal þingmanna um málið. "Þetta verður risa framkvæmd sem kostar nokkra milljarða og verður góð innspýting inn í atvinnulífið á Suðurlandi", sagði Björgvin.