Fréttir 
Ónýt tún í Vogsósum – ekki rignt í Selvoginum í tvo mánuði
Ónýt tún í Vogsósum – ekki rignt í Selvoginum í tvo mánuði
Miðvikudagur, 18. júlí 2012 13:15
Þórarinn Snorrason, bóndi, sem hefur búið í fimmtíu og átta ár með skepnur í Vogsósum í Selvogi hefur aldrei fyrr í búskapartíð sinni kynnst eins miklum þurrkum og hafa verið í sumar. Öll tún á bænum eru meira og minna ónýt en ekki hefur rignt í sveitinni í tvo mánuði. „Ástandið er mjög slæmt enda hefur varla komið rigningardropi hér hjá okkur frá 21. maí í vor. Þó það komi einhver væta næstu daga eða vikur þá mun það ekki breyta neinu, túnin eru ónýt hjá mér og það er of seint að fá rigninguna núna, hún þurfti að koma í vor og byrjun sumars“, sagði Þórarinn. Sjálfur er hann með um 40 hektara af túnum.
