Nú gefst landanum loksins tækifæri að kíkja á skemmtilegustu  torfærukeppni sumarsins sem haldin verður á laugardaginn í Jósepsdal kl. 13:00 (á móti Litlu kaffistofunni).   Akstursíþróttafélag Suðurnesja heldur keppnina í samstarfi við Bílar og Hjól.  Í tilefni að 30 ára afmæli félagsins mun helmingur af ágóða keppninnar  renna beint til Umhyggju, styrktarfélag langveikra barna.  Keppendur og mótshaldarar skora á sem flesta að kíkja á keppnina  og styðja verðugt málefni og fá góða skemmtun í leiðinni.  Þetta er síðasta keppni sumarsins á suðvesturhorninu og því tilvalið að bera tryllitækin augum. Frítt er fyrir börn 12 ára og yngri en aðgangseyrir er 1500 kr. fyrir fullorðna.

Nánari upplýsingar um keppnina má finna á http://aifs.is/frettir/245-torfaera-a-laugardag