Skammt frá Litla-Hvammi í Mýrdal er þessi sundlaug sem framtaksamir menn gerðu eitt sinn. Læk sem rennur hjá var veitt í sundlaugina og vatnið sem í hana rann hitnaði frá náttúrunni. Jarðhiti og sumarsólin í Mýrdalnum komu litlum yl í vatnið. Þessi sundlaug er ein nokkurra sem gerðar voru um landið. Þar á meðal nokkrar í Mýrdalnum, í Kerlingardal og á Suður-Fossi eru minjar gamalla sundlauga. Vatnið í þeim var kalt en fólk náði sér í hita með hreyfingunni. Laugarnar voru misstórar en laugin við Litla-Hvamm hefur verið allstór og djúp ef hún hefur verið full af vatni.  Á þessum tíma syntu Mýrdælingar líka í vötnunum, tjörnum og Dyrhólaós. Sjósund var ekki komið í tísku þá enda var fólk ekki að fara út í sjóinn sem oft voru öldur og stórsjóir í.  Nú um helgina var sjórinn við Víkina svo stilltur að örlitlar bárur voru við sandinn. Þar var ástandið eins og á bestu sólarströnd. Sólskin og sandur.

Njörður Helgason, Mýdælingur, nú búsettur í Hafnarfirði.