Björgunarsveitafólk frá BFÁ með þeim fyrstu á vettvang

Mynd: Björgunarfélag Árborgar

Eins og áður hefur komið fram varð umferðarslys í dag þegar rúta fór á hliðina í Öræfum með þeim afleiðingum að flytja þurfti fjóra alvarlega slasaða með þyrlu á Landspítalann í Reykjavík.

Svo heppilega vildi til að félagar frá Björgunarfélagi Árborgar voru á leiðinni á landsþing björgunarsveita á Egilsstöðum og voru aðeins 15 mínútur frá slysstað þegar útkall barst. Björgunarsveitin sneri umsvifalaust við og var með þeim fyrstu á vettvang.

Björgunarmiðstöðin á Selfossi hefur verið virkjuð til aðgerðastjórnunar.

DEILA