Samtal um ábyrgar fjallahjólreiðar á Hótel Selfossi

Mynd: Umhverfisstofnun.
Mynd: Umhverfisstofnun.

Umhverfisstofnun, Vatnajökulsþjóðgarður og Landgræðslan standa fyrir málþingi um ábyrgar fjallahjólreiðar í náttúru Íslands á Hótel Selfossi 22. maí næstkomandi kl. 17:00-19:00.

Markmiðið með málþinginu er að ræða um fjallahjólreiðar á víðum grunni með sjónarmiði allra hagsmunaaðila og eiga samtal um ábyrgar hjólreiðar með tilliti til verndunar náttúru og upplifunar ferðamanna og útivistarfólks. Farið verður yfir mikilvægi þess að  náttúruvernd, útivist og ferðaþjónusta vinni saman.

Fjallahjólreiðar eru stigvaxandi afþreying á Íslandi og þarf skipulag til að tryggja að náttúran verði ekki fyrir skaða en sjá einnig til þess að gott aðgengi verði fyrir hjólreiðafólk að hjólaleiðum í náttúru landsins.

Dagskrá

17:00-17:10 – Setning málþings

Magne Kvam, Ice Bike Adventure

17:10-17:20 – Áhrif fjallahjólreiða á gróður og jarðveg

Davíð Arnar Stefánsson, Landgræðslan

 17:20-17:30 – Hjólreiðar í náttúru Íslands, lög og reglugerðir

Hákon Ásgeirsson, Umhverfisstofnun

 17:30-17:40 – Hjólreiðar í Vatnajökulsþjóðgarði

Fanney Ásgeirsdóttir þjóðgarðsvörður

 17:40-17:55 – Sjónarmið fjallahjólreiðafólks

Davíð Þór Sigurðsson, Fjallahjólabandalagið

 17:55-18:10 – Fjallahjólreiðar í ferðaþjónustu

   Rannveig Ólafsdóttir, Ice Bike Farm

 18:10-18:20 – Kaffihlé

18:20-19:00 – Umræður og samtal

Fundarstjóri: Björn Helgi Barkarson, umhverfis- og auðlindaráðuneyti.

DEILA