Stórsýning sunnlenskra hestamanna á skírdag

Sólbjartur frá Kjarri. Mynd: Liga Liepina.

Að kvöldi skírdags, fimmtudaginn 18. apríl nk., fer fram í Rangárhöllinni á Hellu stórsýning sunnlenskra hestamanna. Sýningin mun einkennast af léttleika og skemmtun og verður boðið upp á eitthvað fyrir alla hestaáhugamenn, unga sem aldna. Hross og knapar koma af öllu landinu og eru á öllum aldri. Meðal atriða eru hátt dæmdir stóðhestar og hryssur, afkvæmahestar, ræktunarbússýningar, hestvagnakeppni, skeiðkeppni og fleira sem gleður augað. Húsið verður opnað kl. 19:00 og sýningin hefst kl. 20:00. Forsala aðgöngumiða er á Tix.is.

DEILA