Verslun A4 á Selfossi opnaði um síðustu helgi í nýju húsnæði að Austurvegi 24, þar sem Pósturinn var áður til húsa. Verslun A4 var áður að Austurvegi 65.
„Verslunarrýmið nánast tvöfaldast þannig að við höfum miklu meira pláss en við vorum með og höfum því getað aukið vöruúrvalið verulega,“ segir Ásdís Ýr Aradóttir verslunarstjóri. Á nýja staðnum hefur m.a. verið bætt við ferðavörum og leikföngum. „Við bættum líka við skrifstofuhúsgögnum og bjóðum upp á þjónustu fyrir fyrirtæki,“ segir Ásdís Ýr.
Í tilefni opnunarinnar á nýjum stað býður verslunin upp á ýmis opnunartilboð.
