Æskukórinn Cantate með tónleika í Skálholtskirkju

Cantate, æskukór frá Portsmouth.
Cantate, æskukór frá Portsmouth.

Þann 20. febrúar nk. mun Cantate, æskukór frá Portsmouth Cathedral í Bretlandi, halda tónleika í Skálholtskirkju. Tónleikarnir hefjast kl. 20 og aðgangur er ókeypis.

Æskukórinn Cantate er einn af þremur kórum við Dómkirkjuna í Portsmouth á Bretlandi. Kórinn var stofnaður árið 2006 og í honum eru 26 kórfélagar á unglingsaldri.

Tónlistarlíf við dómkirkjuna í Portsmouth er sérlega glæsilegt og hafa kórar kirkjunnar stórt hlutverk í helgihaldi hennar auk þess að halda tónleika. Æskukórinn Cantate hefur sungið bæði í Westminster Abbey, The Royal Albert Hall og komið fram í breska útvarpinu. Kórinn hefur ferðast víða um Evrópu en þetta er fyrsta tónleikaferðin þeirra til Íslands.

David Price, stjórnandi kórsins ferðaðist til Íslands sumarið 2016 og varð svo heillaður af landinu að hann hóf strax undirbúning að tónleikaferðinni. Cantate dvelur fyrst í Skálholti og heldur tónleika í Skálholtskirkju miðvikudaginn 20.febrúar kl. 20.00.  Aðgangur er ókeypis.

Kórinn mun svo halda tónleika í Hallgrímskirkju laugardaginn 23. febrúar kl. 14.00 og syngja einnig í messu á sunnudag, áður en þau halda heimleiðis.

 

 

DEILA