Vorhátíð Kötlu Jarðvangs fer af stað sumardaginn fyrsta, 19. apríl, með pompi og prakt. Eldstó Art Café á Hvolsvelli slær í tónleika kl. 19:30 þar sem hljómsveitin „Remedía“ ásamt gestasöngvaranum Magdalenu Eldey Þórsdóttur, sem sigraði söngkeppni FSU árið 2017, koma fram. Remedía spilar þjóðlög, blues og country. Meðlimir eru Sigurgeir Sigmundsson gítarleikar, vel kunnur flestum sem eitthvað eru inní tólistarheiminum á Íslandi og Jón Ólafsson bassaleikari, sem var útnefndur heiðursfélagi Blúsfélags Reykjavíkur fyrir framlag sitt til blústónlistar á Íslandi 2014.
Vel valin tilboð verða þennan dag af matseðli og einnig 50% afsláttur af drykkjum. Kökur og kaffi einnig á góðu verði. Aðgangur er að ókeypis. Borðapantanir eru í síma: 482 1011. Það er G. Helga Ingadóttir söngkona, sem á og rekur Eldstó Art Café ásamt eiginmanni sínum Þór Sveinssyni.
