Þór Þorlákshöfn mætir Grindavík í undanúrslitum Maltbikarsins í körfuknattleik karla í Laugardalshöllinni í kvöld fimmtudaginn 9. febrúar kl. 20:00. Sigurvegarinn í leiknum mætir síðan annað hvort KR eða Val í úrslitaleik á sama stað á laugardaginn.
Stuðningsmenn Þórs ætla að fjölmenna á leikinn í grænu búningunum sínum og stefna á ekkert annað en úrslitaleikinn sjálfan. Þess má geta að grænir bolir verða til sölu í Höllinni fyrir leik.
